التى ءتۇرلى ازىقتىق اسقازان -ىشەكتى قۋاتتاندىرادى  

 

سيىر ءسۇتى. سيىر سۇتىندە قورەكتىك وتە مول بولادى، سيىر ءسۇتىن تاماشا سۋسىندىق دەۋگە دە بولادى، زەرتتەۋلەردەن سيىر ءسۇتىنىڭ اسقازاندى قۋاتتاندىرۋ رولى بار ەكەندىگى بايقالعان. سيىر ءسۇتى وكپە مەن اسقازاندى قۋاتتاندىرىپ، جۋان ىشەكتى (بۇيەندى) مايدالاپ، اسقازان اۋرۋىن، ءىش قاتۋدى ەمدەۋدە وتە ماڭىزدى رول اتقارادى. قازىرگى زامانعى مەديتسينالىق زەرتتەۋدەن سيىر ءسۇتىنىڭ اس قورىتۋ سيپاتىندىق اسقازان جاراسىن، ۇيرەنشىكتى ءىش قاتۋدى ەمدەۋدەگى ءونىمى وتە جوعارى ەكەندىگى راستالعان.

    سيىر ءسۇتىنىڭ اسقازاندى قورعاۋ رولى تاماشا بولعانىمەن، الايدا ماماندار ءىشى ءوتۋ، كوكباۋىرى السىرەۋ اۋرۋىنا شالدىققانداردىڭ ونى وتە كوپ ىشۋىنە ۇيلەسپەيتىندىگىن ەسكەرتەدى.

    بوتقا. اسقازاندى قۋاتتاندىرۋدا ەڭ جاقسى تالعام بوتقا بولىپ تابىلادى. ول وتە وڭاي قورىتىلادى، وتە–موتە، قۇراما كوجە (八宝粥) اسقازانىن كۇتىمدەيتىن ادامدارعا وتە ۇيلەسەدى. قۇراما كوجەنىڭ قۇرامىندا زور مولشەردە جەر جاڭعاعى، ورىك ءدانى، اق شەكەر سياقتىلار بار، ونىڭ ۇستىنە بۇلاردىڭ جىلۋ ەنەرگياسى دا وتە جوعارى، ۇنەمى تۇتىنعاندا اسقازاندى قورعاۋ رولىن اتقارادى. ونىڭ ۇستىنە جاڭا جەر جاڭعاعىندا بەلوك، ماي سياقتى زاتتار مول بولىپ، اسقازان–ىشەكتى ءونىمدى تۇردە قورعايدى.

    سورپا. بوتقادان باسقا اسقازاندى قورعايتىن تاعى ءبىر نارسە بار، ول – سورپا. ءبىزدىڭ بۇل جەردە ايتىپ وتىرعان سورپامىز ەت سورپا ەمەس، ويتكەنى ەت سورپادا زور مولشەردە قىشقىل زات بار، بۇل اسقازاندى كۇتىمدەۋگە ۇيلەسپەيدى. ەڭ جاقسىسى كوكونىس سورپاسى. مىسالى، شىپينات (بوساي)، جىپشە پىنتۋزى، تاۋىق سورپاسى سياقتىلار بولۋ كەرەك، بۇعان جانە تاۋىق ەتى دامدەندىرگىشىن سالسا، اسقازاندى قورعاۋ ءونىمى، ءتىپتى، جاقسى بولادى.

    نەگىزگى تاماق. نەگىزگى تاماقتىڭ ىشىندە اسقازاندى ەڭ جاقسى قورعايتىنى كەسپە كوجە. كۇرىشتىڭ قۇرامىندا قىشقىل زات بار، اسقازان–ىشەگى جاقسى ەمەس ادامدار كۇرىش تاماقتى كوپ جەمەگەنى ءجون.

    كاپۋستا. اسقازاندى كۇتىمدەۋدە كاپۋستا كەم بولماۋى كەرەك، ونىڭ كوكباۋىردى اقاۋسىزداندىرىپ، اسقازاندى كۇتىمدەپ، ۋىتتى ايداپ، ىسىكتى قايتارىپ، قىزۋدى باساتىن رولى بار. ونىڭ ۇستىنە كاپۋستانىڭ قۇرامىندا زور مولشەردە ۆيتامين C بار، بۇنىڭ اۋىرعاندى باسىپ، اسقازان جاراسىنىڭ جازىلۋىن تەزدەتەتىن رولى بار.

    شپينات (菠菜). جۇڭگوشا شيپاگەرلىكتە بىلاي دەپ كورسەتىلگەن: شپيناتتىڭ باۋىردى قورعاپ، اسقازان–ىشەكتى كۇتىمدەيتىن، ۇلكەن دارەتتى جۇرگىزەتىن رولى بار. كۇندەلىكتى تۇرمىستا شپيناتتى ۇيلەسىمدى مولشەردە تۇتىنىپ تۇرسا، اسقازان سۇيىقتىعى مەن ۇيقى بەزى سۇيىقتىعىنىڭ ءبولىنىپ شىعۋىن تەزدەتىپ، اس قورىتۋ قىزمەتىنىڭ ويداعىداي بولۋىنا كەپىلدىك ەتۋگە بولادى. ونىڭ ۇستىنە شپيناتتا سەلليۋلوزا مول بولىپ، ىشەكتىڭ جيىرىلۋىن تەزدەتەدى، بۇل ۇلكەن دارەتتىڭ ىرىكىلىسسىزدىگىنە پايدالى.

    تاماقتانۋى قاعيداسىز، ونىڭ ۇستىنە ۇنەمى سىرتتان قوقسىق ازىقتىقتار جەيتىن قىزمەتكەرلەر جونىنەن ايتقاندا كوبىنىڭ اسقازانى جاقسى بولمايدى. جوعارىدا اسقازانعا پايدالى ازىقتىقتاردى تانىستىردىق، وسى ازىقتىقتاردى كوبىرەك جەۋگە كوڭىل ءبولىپ، اسقازانىمىزدى قورعايىق.

حانزۋشادان اۋدارعان: جاينا جامەن قىزى

 

كەلۋ قاينارى:جۇڭگو قازاق راديو تورابى



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ