اش قارىندا الما جەۋگە بولا ما  

ۇسىنىلعاندار

  • No related post.

 

تاڭەرتەڭ اش قارىندا الما جەسە دەنەدە مىناداي وزگەرىس بولاتىنىن كوپ ادامدار بىلە بەرمەيدى.

المانىڭ باعاسى ارزان، قورەكتىگى مول، ءبىراق قالاي جەگەندە دەنساۋلىققا پايدالى؟

المانىڭ پايداسى

تەرىنىڭ قارتايۋىنىڭ الدىن الادى

المانىڭ قۇرامىندا ۆيتاميننىڭ  ءتۇرى مول بولادى، سونداي – اق قۇرامىنداعى پوليفەنول توتىعۋعا قارسى رول اتقارادى دا، تەز قارتايۋدىڭ الدىن الادى.

ارىقتاۋعا پايدالى، مايدى جوعالتادى

المانىڭ قۇرامىنداعى تومەن كالوريالى مول ەرىگىشتىك تالشىق ۇلكەن دارەتتى جەدەلدەتەدى. الما قىشقىلى ادام دەنەسىندەگى ارتىق مايدى ىدىراتادى. جەمىس جەلىمى،  ۆيتامين C قاتارلى قۇرامدار دەنەدەگى ءارقايسى قىزمەتتىك تەپە –تەڭدىگىن ساقتايدى.

ۇيقىنى جاقسارتادى

المانىڭ  حوش ءيىسى قۇرامىنداعى سپيرتتەر مولشەرى  %92 بولىپ، ادام دەنەسىنە سىڭىرىلگەننەن كەيىن نەرۆتى تىنىشتاندىرىپ، ۇيقىنىڭ ساپاسىن جوعارىلاتادى.

ەنەرگيانى تولىقتايدى

تاڭەرتەڭ ەرتە تۇرعاندا ماجاۋراپ تۇراسىز دا، ادام دەنەسى شۇعىل قانت تولىقتاۋ ارقىلى دەنەگە ەنەرگيا قامداۋدى قاجەت ەتەدى، بۇل كەزدە اش قارىندا الما جەۋگە بولادى. الما فروكتۋزاسى ادام دەنەسىنە قابىلدانعاننان كەيىن، گليۋكوزاعا اينالىپ دەنەگە سىمىرىلەدى.

قان قىسىمى جوعارىلاۋىنىڭ الدىن الادى

الما قۇرامىنداعى كاليدىڭ مولشەرى جوعارى، ناتريدىڭ مولشەرى تومەن بولادى، ۇنەمى الما جەگەندە قان قىسىمى جوعارىلاۋىنىڭ الدىن الۋعا بولادى.

ەستە ساقتاۋ قابىلەتىن جوعارىلاتادى

المانىڭ قۇرامىندا مول مىرىش ەلەمەنتى ەستە ساقتاۋ قابىلەتىن جوعارىلاتادى.

نازار سالاتىن تۇيىندەر

المانى اسقازان اۋرۋىنا شالدىققان ناۋقاستار تۇتىنباعانى ءجون.

اسقازان قىشقىلى ارتقان، جاراقات سيپاتتى توق ىشەك قابىنۋىنا شالدىققاندار اش قارىندا الما جەمەۋى كەرەك. ويتكەنى، المانىڭ قۇرامىنداعى ورگانيكالىق قىشقىلدىڭ مولشەرى جوعارى بولاتىندىقتان، اش قارىندا جەگەندە جوعارىدا ايتىلعان اۋرۋدى اسقىندىرادى.

المانىڭ دانەگىن جەمەۋ  ءتيىس

الما دانەگى قۇرامىندا كوگەرتكىش قىشقىل بار. ادام دەنەسى كوپتەگەن سياندى سۋتەك قىشقىلىن سىمىرگەندە باسى اينالۋ، باسى اۋىرۋ، تىنىسى تارايۋ قاتارلى بەلگىلەر كورىنەدى. الما جەگەندە ازداپ الما دانەگىن كەمىرىپ قويسا ەشتەڭە ەتپەيدى، ءبىراق ۇنەمى وسىلاي ۇزاق ۋاقىت كەمىرە بەرسە دەنساۋلىققا زيان.

تاڭەرتەڭ تەك المانى عانا جەۋگە بولمايدى

تاڭعى استا تەك المانى عانا قورەك ەتسە بولمايدى، مۇندا قورەكتىك جەتىسپەيدى دە دەنساۋلىققا زيان سالادى. ەڭ جاقسىسى تەك  تاڭەرتەڭگى استىڭ ءبىر  بولەگى ەتىپ جەگەننەن كەيىن، تاعى از مولشەردە كۇرىش كوجە، كوكتات، جۇمىرتقا، پراندىك قاتارلى ازىقتىقتاردى قوسا جەۋ كەرەك.

قابىعىن ارشۋ كەرەك پە

الما  قابىعىنىڭ سىرتىندا ەگىستىك دارىلەرىنىڭ قالدىقتارى ءبىرشاما كوپ بولادى. دەنساۋلىققا اقاۋ كەلتىرمەۋ ءۇشىن قابىعىن ارشىپ جەۋ كەرەك. ەگىستىك  ءدارى قالدىقتارىنان سىرت كەيبىر كاسىپورىندار المانى جاڭا كۇيىندە ساقتاۋ، زياندى جاندىكتەردەن ساقتاۋ ءۇشىن المانىڭ قابىعىنا بالاۋىز جاعىپ قويادى. ادەتتە الما قابىعىندا تابيعي جەمىس بالاۋىزى، ازىقتىق بالاۋىزى، ونەركاسىپ بالاۋىزى بار. ونەركاسىپ بالاۋىزى ادامنىڭ دەنساۋلىعىنا زيان، سونداي – اق بۇل بالاۋىزدار وڭاي پارىقتالمايدى. سوندىقتان جەۋدەن بۇرىن تۇزدى سۋمەن جۋۋ نەمەسە قابىعىن ارشىپ جەۋ كەرەك.

 

كەلۋ قاينارى : ءتاڭىرتاۋ تورابى



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ