قوي مەن تۇلكى

اۋ: مارقابا مالىك ۇلى

قوي ەكى تاۋىقتى جەدى دەگەن كۇمانمەن حايۋاناتتار سوتىنا تارتىلىپتى، تورەشى زەرەك تە ىسكەر تۇلكى ەكەن.

قوي ءوزىن اقتاپ:

-سول كۇنى مەن تاڭ اتقاننان تۇنگە دەيىن ۇيدەن ەشقايدا شىقپاي ۇيىقتاعان بولاتىنمىن، ونىڭ ۇستىنە، مەن تۋادا ەت جەپ كورگەن جان ەمەسپىن. دوستارىمنىڭ ءبارى مەنىڭ قاتىقسىز تاماق جەيتىنىمدى بىلەدى، ولار ماعان كۋاگەر بولا الادى- دەپ زارلاپتى.

تۇلكى كاسىپتەستەرىمەن توپتىق تالقىلاۋ وتكىزىپ، اقىرى: «ءبىز قويدىڭ ءوزىن اقتاعان ايعاق-دالەلدەرى تولىقسىز دەپ قارادىق. قىلمىستىق ايعاق-دالەلدەرىن جاسىرۋ سۇرقيالاردىڭ داعدىلانعان ادەتى، ونىڭ ۇستىنە قوي مەن تاۋىق وتە جۋىق حايۋانات، ءارى تاۋىقتىڭ ەتى جۇمساق، وتە ءدامدى، سوندىقتان ءبىز قوي تاۋىقتىڭ باق تالاسى، تاۋىققا قاس قىلمايدى دەۋدىڭ قيسىنى جوق دەپ قاراپ، قويدى ءولىم جازاسىنا وكىم ەتتىك، دەرەۋ اتقارىلىسىن»- دەگەن وكىم شىعارىپتى.

سونىمەن، قويدىڭ ەتى سوت جاعىنان ءمۇساتىرالانىپ، تەرىسى بازارعا ساتىلىپتى.

تاربيە ءسوز: ءبىر رەتكى ادىلەتسىز وكىمنىڭ زاردابى ون رەت قىلمىس وتكىزۋدەن دە زارداپتى بولادى. ۇيتكەنى قىلمىس وتكىزۋ زاڭدى ەلەمەۋ،  مسالى سۋدىڭ اعارىن ىلايلاعانمەن ۇقسايدى، ال، ادىلەسىز وكىم زاڭدى اياق استى ەتۋ، مسالى سۋدىڭ كوزىن ىلايلاعانمەن ۇقسايدى.



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ