ارىقتاۋعا ارنالعان 5 سۋسىن

مامانداردىڭ ارتىق سالماقتى دەنە شىنىقتىرۋسىز-اق ازايتۋعا بولاتىن، اعزاداعى مايدى ەرىتەتىن ىشىمدىكتەر ءتىزىمىن جاريالادى.

  بۇل تىزىمدە كوك شاي كوش باستاپ تۇر.

كوك شاي اعازداعى زات الماسۋدى جىلدامتاتادى. استىڭ قورىتىلۋىن رەتتەيدى. سونىمەن بىرگە ول اعزاداعى مايدى ەرىتەتىن فلاۆونيدتەر مەن كوفەينگە وتە باي. مامانداردىڭ ايتۋىنشا، ارىقتاۋ ءۇشىن كۇنىنە 2-3 شىنىاياق كوك شاي ءىشىپ وتىرۋ كەرەك.

  ەكىنشى ورىندا قىزاناق شىرىنى.

بۇل سۋسىننان كۇنىنە ءبىر شىنىاياق ءىشىپ وتىرعان ادامنىڭ اعزاسىندا، ىشپەيتىندەرگە قاراعاندا 50 پايىز از ماي جينالادى. سونىمەن بىرگە قىزاناق شىرىنى اعزاداعى حولەستەرين دەڭگەيىن تومەندەتەدى. بۇل تىزىمدە الما سىركە سۋى ۇشتىكتى قورىتىندىلاپ تۇر. بۇل سۋسىن اعزاداعى زات الماسۋدى جىلدامتاتىپ، ناتيجەسىندە ادام مايدان ەنەرگيا رەتىندە پايدالانادى.

ارتىق سالماقتان ارىلۋ ءۇشىن كۇنىنە 2-3 اس قاسىق الما سىركە سۋىن سۋعا ارالاستىرىپ ىشكەن ابزال.

  ءتورتىنشى ورىندا ءجانجابىل (يمبير) سۋسىنى.

ءجانجابىل ديەتاسى تاماق ءمازىرىن وزگەرتكىسى كەلمەيتىن ادامدارعا ۇنايتىنى ءسوزسىز. بۇل ديەتا ەمەس، ارىقتاۋعا كومەكتەسەتىن تاماقتانۋ جۇيەسى. ادامنىڭ ارتىق سالماق جيناۋىنا زات الماسۋ قىزمەتىنىڭ باسەڭدەۋى سەبەپ. اس قورىتۋ جۇيەسى باسەڭ بولسا، ارىقتاۋ وتە قيىن. ءجانجابىل — زات الماسۋدى تەزدەتەتىن تابيعي ءادىستىڭ ءبىرى. ونىڭ ۇستىنە ءجانجابىل جۇرەك قان تامىرلارى جۇيەسىن، قان ءجۇرۋ مەن اس قورىتۋدى جاقسارتادى. ءتىزىمنىڭ سوڭىن قاراپايىم سۋ قورىتىندىلاعان.

كۇنىنە 8 شىنىاياق سۋ ءىشۋ ءىشتىڭ ءىسۋى مەن اس قورىتۋ جۇيەسىنىڭ بۇزىلۋىنىڭ الدىن الادى. مامانداردىڭ ايتۋىنشا، كۇندەلىكتى كوپ مولشەردە سۋ ءىشۋ ارىقتاۋدىڭ بىردەن ءبىر كەپىلى ەكەن.



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ