سىركە قىشقىلىنىڭ پايداسى

سىركە قىشقىلى –  سپيرتتىك سۇيىقتىقتاردان سىركە قىشقىلىن ءوندىرۋ ءتاسىلى مىڭداعان جىلدار بۇرىن بەلگىلى بولعان ەدى. گرەكتەر مەن ريمدىكتەر سىركە قىشقىلىن قۇلدارعا قارقىندىلىق كۇشىن بەرەتىن جانە ءشولىن باساتىن سۋسىن رەتىندە قولدانعان.

 ەرتە گرەك جانە ريم تۇرعىندارى بۇل سۋسىندى شاراپتىڭ بەتىن اشىپ قويىپ العان بولاتىن. مۇنداي قولدانىستى ولار ورتا عاسىرلارعا دەيىن جاساپ كەلدى. تۇرمىستىق جاعدايدا سىركە قىشقىلىنىڭ كوپتەگەن پايداسى بار. تومەندە سولارىدىڭ بىرنەشەۋىن بەرىپ وتىرمىز.

● قالاممەن سىزىلعان قابىرعانى تازا سىركە قىشقىلىمەن سۇرتسەڭىز ءىز قالمايدى.

 ● سىركە قىشقىلى كيىمدەردى جۋعاندا وتە پايدالى. مىسالى، كىر جۋۋ ماشيناسىنىڭ سوڭعى شايۋ باسقىشىندا 50 م ل سىركە سۋىن قوسىپ جىبەرسەڭىز، كيىمدەرىڭىزدە سابىن ءىزى قالمايدى. اسىرەسە، قارا ءتۇستى كيىمدەردە سابىن ءىزى ءجيى قالىپ قويادى. سىركە سۋى مۇنداي ماسەلەلەردىڭ تۋىنداۋىنا جول بەرمەيدى.

● كيىمدەرىڭىزدى قولمەن جۋعاندا ىدىسقا ازداپ سىركە سۋىن قوسساڭىز ءيىسسۋلاردان قالعان داقتاردىڭ ءىزى قالمايدى.

● ەگەر كيىمىڭىزدىڭ ءتۇسى جۋعاندا كەتىپ قالادى دەپ قورىقساڭىز ولاردى جۋماس بۇرىن ءبىراز ۋاقىت سىركە قىشقىلى مەن سودا قوسىلعان سۋعا سالىپ قويىڭىز. سوندا كيىمدەردىڭ ءتۇسى جاقسى ساقتالادى.

● اينا مەن تەرەزەلەردى جۋعاندا حيميالىق سۇيىقتىقتاردان گورى سىركە قىشقىلى كوپ كومەكتەسەدى.

 ● نيكەل ىدىستارىڭىزدى ايناداي جارقىراتقىڭىز كەلسە سىركە قىشقىلىمەن ءسۇرتىپ تۇرىڭىز.  ● داستارقانىڭىز ۇزاعىراق قىزمەت ەتسىن دەسەڭىز، سىركە مەن ءسۇت قوسىندىسىنان تۇراتىن سۇيىقتىقپەن ءسۇرتىڭىز.

 ● سۇيەلدەن تەز ارىلعىڭز كەلسە، الما سىركە قىشقىلى مەن گليتسەرين ارالاسقان سۇيىقتىقتى قولدانىڭىز.

● ەدەن، لينولەۋم، لامينات، كافەل تازالاعاندا 1 شەلەك سۋعا 1 ستاكان سىركە قىشقىلىن قوسساڭىز ەدەندەگى داقتار كوپ كۇش سالماي تەز كەتەدى.

 ● جۇمىرتقا قايناتقاندا سىركە قىشقىلىن قولدانساڭىز، جۇمىرتقا قابىعى جارىلمايدى. 

 

 

Massaget.kz



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ