وتباسى دەگەن نە؟

اۋ: مارقابا مالىك ۇلى

ءبىر كۇنى، ا ق ش-نىڭ لوس-انجەلەس قالاسىنىڭ كوشەسىندە ماس بولىپ جاتقان ادامدى ءبىر ساقشى بايقاپ قالىپ، ونى سۇيەپ تۇرعىزىپ قاراسا، وسى قالانىڭ ءبىر بايى ەكەنىن تانىپ، وعان:

-وتباسىڭىزعا جەتكىزىپ قويايىن- دەسە، ول:

– وتباسى، مەندە وتباسى جوق- دەپ تويتارىس جاساپتى.

ساقشى انانداي جەردە كورىنىپ تۇرعان ساياجايدى نۇسقاپ:

– وندا اناۋ نەمەنە- دەپتى تۇسىنبەستىك بەينەمەن.

– ول مەنىڭ باسپانام- دەپ جاۋاپ بەرىپتى الگى باي.

بۇل ومىردەگى كوپتەگەن ادامدار وتباسى دەگەندى باسپانا نەمەسە قورا-جاي دەپ تۇسىنەدى. الايدا، ءسىز نەمەسە وتباسى تۋىس-تۋعاندارىڭىز ول جەردەن كوشىپ كەتەتىن بولسا، ول جەردە وتباسىنىڭ ىستىق مەيىرى مەن باۋىرمال سۇيىسپەنشىلىگى قالمايدى. بۇنداي جەردى وتباسىم دەپ ايتا الاسىزبا؟ باسپانا ايگىلى ادامدار جونىنەن العاندا ەجەلگى تۇراعى، قاراپايىم بۇقارالار جونىنەن العاندا، ەجەلگى تۇرعان جەرى، استە، ونىڭ وتباسى دەپ ايتىلمايدى.

وندا، وتباسى دەگەن ءسىرا نە؟ 1983-جىلى، رۋاندا تۋىلعان مىنانداي ءبىر شىنايى وقيعا، بالكىم وتباسى دەگەن ۇعىمعا تۇسىنىك بولا الادى. رۋاندانىڭ ىشكى سوعىسى كەزىندە، رەلار دەگەن 37 جاستاعى ازاماتتىڭ وتباسىنداعى 40 ادامنىڭ ءبارى سوعىس زاردابىنان بىتىراپ كەتىپ، سوعىس قۇباندىعىنا اينالىپتى. كەيىن كەلە، دۇنيەدەن ءۇمىتىن ۇزگەن ول 5 جاستاعى كىشكەنتاي قىزىنىڭ ءالى دۇنيەدە ەكەنىن ەستيدى دە، جاھان كەزىپ، بالاسىن ىزدەۋمەن بولادى. ول ساقا باسىن ءباي تىگىپ، قيلى قيىنشىلىقتاردى جەڭىپ، اقىرى، ەت جۇرەگى بالاسىن تاۋىپ الىپتى. جۇبانىشى قۋانىشقا اينالعان ول، بالاسىن قاتتى قۇشاقتاپ تۇرىپ:

– مەنىڭ تاعىدا وتباسىم قۇرالدى- دەپتى.

وتباسى- بۇل دۇنيەدەگى باۋىرمال سۇيىسپەنشىلىكتىڭ تولىقسىعان جەرى. ول كەيدە، ءشوپ كۇركەدە بولسا، كەيدە ساۋلەتتى سارايدا بولادى، كەيدە ءتىپتى باس پاناسىز ارامدار اراسىندا ساقتالادى. سۇيىسپەنشىلىك كورمەگەن ادام مەن ماحابباتى قاعىس قالتىرعان ادام عانا شىن ماندەگى وتباسى جوق ادامدار. وتباسى- ءسىزدىڭ جاتقان ساۋلەتتى باسپاناڭىز ەمەس، قايتا باۋىرمال سۇيىسپەنشىلىك پەن تۋىس-تۋعاندارىڭىز بولماق. 



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ