راحاتتى توزاق

اۋ: مارقابا مالىك ۇلى

الدە بىرەۋ قايتىس بولعاننان كەيىن، تاڭىرگە جولىقپاقشى بولىپ جولعا شىعىپتى. ول كوزدىڭ جاۋىن الاتىن ساۋلەتتى سارايدىڭ جانىنان ءوتىپ بارا جاتقاندا، ساراي يەسى ونى توقتاتىپ، وسى جەردى مەكەندەپ قالۋعا ءناسيحاتتاپتى.

 ول ساراي يەسىنە: ”مەن ءپاني دۇنيەدە، جارعاق قۇلاعىم جاستىققا تيمەي قاربالاستىقپەن ءومىرىمدى وتكىزدىم. ەندى جۇمىسقا زاۋقىم سوقپايدى، بار تىلەيتىنىم تەك قانا، ءىشىپ-جەپ، ۇيىقتاي بەرسەم بولدى“- دەپتى.

بۇنى ەستىگەن ساراي يەسى: ”ونداي بولسا، بۇل دۇنيەدە ساعان تۇراق بولاتىن بۇل سارايداي ەكىنشى تۇراق تابىلماس. بۇل جەردە ءتاتتى-ءدامدى، جال-جايا، جىلى-جۇمساق دەگەننىڭ ءبارى تولىق، نە جەگىڭ كەلسە سول تابىلادى، ەشكىمدە سەنىڭ قولىڭدى تارتىپ جاتپايدى. راحاتتى مامىق توسەكتە، قانشا ۇيىقتايمىن دەسەڭ سونشا ۇيىقتايسىڭ، ەشكىم سەنى مازالامايدى. ءتىپتى ەشكىمدە ساعان بەلىڭدى يگىزىپ جەردەن شومشەك تە العىزبادى“- دەپتى.

سونىمەن بۇل ادام وسى سارايدى مەكەندەپ تۇرىپ قالىپتى. العاشىندا ول تاڭداعانىن جەپ، ۇيقىسىن قاندىرىپ، كوڭىلدى ءجۇرىپتى. بىرتە-بىرتە ول قايتالانا بەرگەن جەپ-ءىشىپ، ۇيىقتاۋدان دا زەرىگىپ، جالعىزسىراپ، بۇل تۇرمىستى دا ماعىناسىز سەزىنىپتى. سونىمەن ول ساراي يەسىن ىزدەپ بارىپ شاعىنىپ: ”ءىشىپ-جەپ، ۇيىقتاۋدىڭ دا ۋاقىت وتە كەلە ماعىناسى قالمايدى ەكەن، وسى كۇندە مەن ءبىر تاماق مەسكەيى قۇساپ قانا قالعاندايمىن، تۇرمىسىمدا ەشقانداي ءسان-سالتانات قالمادى. ءسىز ماعان ىستەيتىن جۇمىس تاۋىپ بەرسەڭىز“- دەپ تالاپ قويىپتى.

مۇنى ەستىگەن ساراي يەسى: “عاپۋ ەتىڭىز، بۇل جەردە ەشقاشان ىستەيتىن جۇمىس بولعان ەمەس“- دەپ جاۋاپ بەرىپتى.

سونىمەن، تاعى بىرنەشە اي ءوتىپتى. ابدەن ءىش قۇستا بولعان ول تاعىدا ساراي يەسىنە بارىپ: ”مەنىم ءتۇزىمىم ابدەن تاۋسىلدى، ەگەر ءسىز ماعان ىستەيتىن جۇمىس تاۋىپ بەرمەسەڭىز، مەن توزاققا كىرسەم دە، بۇل جەردە تۇرمايمىن“- دەپ بايبالام سالىپتى.

بۇل ءسوزدى ەستىگەن ساراي يەسى جاقتىرتپاعان بەينەمەن: ”ءسىز بۇل جەردى جاننات دەپ جۇرسىزبە؟! بۇل جەر توزاقتىڭ ءدال ءوزى عوي“- دەپتى.

بويكۇيەزدىككە سالىنۋدىڭ ءوزى ءبىر ءتۇرلى توزاقتىق ءومىر! وندا نايزا تاۋعا شىعىپ، وت تەڭىزىن كەشىپ، قايناعان مايعا قۋىرىلماساڭدا، بويگۇيەزدىك اقىرىن-اقىرىن ءسىزدى اسىل مۇراتىڭىزدان ايىرىپ، جان جان دۇنيەڭىزدى شىرىتەدى. ءتىپتى ءوزىڭىزدى جانى بار ولەكسەگە اينالدىرادى.

جۇمىسى جوقتىڭ ءوزى ۇلكەن ازاپ، جۇمىستان باس الا الماۋ باقىتتى باياندى ەتەدى. الاڭسىز كەلىپ، قام-قايعى ارقالاپ قايتۋ، ادامزاتتىڭ ورتاق تاعىدىرى بولار. انە قاراڭىزشى، اقشاسىن ىستەتىپ تە بولا المايتىن، باي-ماناپتار دا مۇرنىنا سۋ جەتپەي قاربالاستاپ جۇمىس جۇرگىزىپ جاتىر. ولار نە ءۇشىن؟ ولار تەك قانا وزدەرىنىڭ ومىرشەڭدىك كۇشى نىعايتۋ ءۇشىن عانا.



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ