قۇت ۇيىعان ىرىستى مەكەن – اقساي

ەرجان الاپاق ۇلى

گانسۋ، چيڭحاي، شينجياڭ سىندى ءۇش ولكە ( رايوننىڭ ) تۇيىلىسىنە ورنالاسقان اقساي اۋدانى گانسۋ ولكەسىندەگى بىردەن – ءبىر قازاق ۇلتىن نەگىز ەتكەن از ۇلت اۆتونوميالى اۋدان، جالپى جەر اۋدانى 32 مىڭ شارشى كيلومەتر بولىپ، قازاق، حانزۋ، حۇيزۋ، سالار، زاڭزۋ قاتارلى11 ۇلتىنىڭ 9100 جان سانى قونىستانعان. مۇنىڭ ىشىندە قازاق ۇلتىنىڭ جان سانى 3760 ادام بولىپ، جالپى حالىق سانىنىڭ %41.3 ۇستايدى.

وسىدان ون ءۇش جىل بۇرىن، عاسىرلار بويى مۇلگىپ جاتقان جىڭعىلدى قويناۋىنا جان كىرىپ، قازاقتىڭ سالت – داستۇرىنە باي جاڭا اۋدان قالاشىعى شاڭىراق كوتەردى. ءدال وسى ساتتە اقسايلىقتاردىڭ جۇزىنەن كۇلكى ۇيىرىلىپ، قۋانىشى قوينىنا سيماي، تەڭىز دەڭگەيىنەن 2700 مەتر بيكتىكتەگى بولاشاڭزى قالاشىعىنان كوشىپ تەڭىز دەڭگەيىنەن 1600 مەتر بيكتىكتەگى جىڭعىلدى قويناۋى قالاشىعىنا كەرەگەسىن جايدى. سونىمەن تاريحتىڭ جاڭا ءبىر پاراعى اشىلىپ،ءالى دە ءداستۇرلى مال باعۋ ۇلگىسىمەن ساي – سالادا كوشىپ قونىپ جۇرگەن قازاق حالقى پارتيا مەن ۇكىمەتتىڭ كومەكتەسۋىندە اۋدان ورتالىعىنا سالىنعان كوك اينەكتى سارايلارعا كوشىپ كىرىپ، كوشپەلى تۇرمىسقا قوش ايتتى. سودان باستاپ ءار ۇلت حالقىنىڭ تۇرمىستارىندا جەرمەن كوكتەي وزگەرىستەر تۋىلدى. ارادا ون جىل ادىمداپ اتتاعاندا، سوناۋ قىزىل قۇم جيەگىنەن تورعىن كيگەن جاس ارۋداي ۇلبىرەگەن جاس قالا بوي كوتەرىپ، سىمباتتى كەلبەتىمەن جاڭا ءداۋىردىڭ شۇعىلاسىنا شومىپ، تورتكۇل دۇنيەگە نازدانا، ەركەلەي كوز تاستادى.

اقساي حالقى جاڭا قالاشىقتىڭ كەلەشەگىنەن زور ءۇمىت كۇتتى. سولاي بولا تۇرسادا وسى ورتادا تۇرمىس كەشىرەتىن ادامدار ورتانى كورىكتەندىرۋدە سۋ بولماسا بولمايتىندىعىن ابدەن بىلەتىن.

سۋ – ءومىردىڭ قاينارى. اقساي اۋدانىنىڭ جاڭا قالاشىعى تەك قۇدىق سۋىمەن تۇرمىسقا ىستەتەتىن سۋدى قاناعاتتاندىرا العانىمەن، ءشول ءجازيرانى جاسىلداندىرۋعا ىستەتەتىن سۋدى قالاي شەشۋى كوپشىلىكتىڭ تولعانعان ءتۇيىنى بولدى.

كوپ رەت تەكسەرىپ – زەرتتەۋ جۇرگىزۋ، ءجان – جاقتىلى دالەلدەۋلەر الىپ بارۋ ارقىلى، ەڭ سوڭىندا نىسانانى اقساي اۋدانىنان 55 كيلومەتر الىس جەردەگى سۋبي اۋدانى كولەمىندەگى سارعالجىڭ وزەنىنە تىكتەدى. سونىمەن ” سارعالجىڭ وزەنىن باستاپ اكەلىپ، جىڭعىلدى قويناۋىن گۇلدەندىرۋ ” ينجەنەرياسىنىڭ قۇرىلىسى باستالىپ كەتتى. وسىبىر ەكى اۋداندى تۇتاستىرىپ جاتاتىن كولەمدى قۇرىلىسقا جالپى 26 ميليون 760 مىڭ يۋان قارجى قوسىلىپ، سۋبي اۋدانىنىڭ سارعالجىڭ سۋ قويماسىنىڭ القىمىنان باستاپ 55 كيلومەترلىك ترۋبا جاتقىزۋ ارقىلى، سارعالجىڭ وزەنىنىڭ سۋىن اقساي جاڭا قالاشىعىنا باستاپ اكەلدى.

2001 – جىلى 28 – قىركۇيەكتە، وسىبىر اقسايدىڭ تاعدىرىن وزگەرتەتىن تىرشىلىك تىنىسى بولعان سۋدىڭ باستاپ اكەلىنۋى، حالىقتىڭ اسىل ارمانىن سۋسىنداتقانداي بولدى.

سودان باستاپ، جىڭعىلدى قويناۋى اۋىل شارۋاشىلىق اشۋ رايونى، 20 كيلومەتر ونەركاسىپ باقشا رايونى مەن تۇرعىندار رايونى سەكىلدى ۇزاق ۋاقىتتان بەرى كەنەزەسى كەپكەن ءۇش شوق گۇل جاندانا باستادى.

اقساي اۋدان قالاشىعىنىڭ كوش-قونىمەن، ارشىنداپ دامۋىمەن كوزگە ءتۇستى. كوشقون ساتىنە ساي، اقسايدىڭ وڭىرلىك شارۋاشىلىعى قارشتاپ دامىپ، 2002 – جىلى بۇكىل مەملەكەتتەگى ەگەيلەردىڭ قاتارىنان ورىن الدى.
دامۋ – ۇلتتار ءىسىن گۇلدەندىرەتىن ءبىرىنشى مىندەت. تاسماقتا كاسىبى جارىم عاسىردان بەرى اقسايدىڭ بىردەن – ءبىر تىرەكتى كاسىبى بولاتىن، وسىعان ساي تاسماقتا كاسىبىن كولەمدەندىرىپ، بەيتاسماقتا كاسبىن جەدەل دامىتىپ، ەكونوميكانىڭ جالپى قۋاتىن ارتتىرۋ، اقسايلىقتاردىڭ كوشىپ ورنالاسقاننان كەيىنگى باستى قامال الار وتكەلى بولاتىن.

اقسايدى ” قۇدىرەتتى دە جالىندى ” ەتىپ گۇلدەندىرۋ ءۇشىن،2005 – جىلى، ” اۋداندى ونەر كاسپپەن الۋەتتەندىرۋ” ستراتەگياسىن الدىعا قويىپ، مول تاسماقتا بايلىق قاينارىنا ارقا سۇيەي وتىرىپ، دامۋدا وبيەكتىنى بەرىك ۇستاۋ، كوشباسشى بولىپ الدا ءجۇرىپ، وبيەكتىگە باستاماشىلىق ەتۋ، اينالمالى جەتەكشىلىك ەتۋ دەگەن جاڭا تيپتەگى ونەركاسپتەندىرۋگە تاباندى بولىپ، جوعارى جاڭا تەحنيكالى ونەركاسىپ باقشا رايونىن، مەملەكەتىمىزدەگى ەڭ ۇلكەن تاسماقتا ساۋدالاسۋ بازارىن قۇرىپ، سەموند زاأودتى، 300 مىڭ توننالىق تەمىر ۇنتاعىن سورتقا ايىرۋ زاأودتى، 20 مىڭ توننالىق جىلان بەدەرلى تاستى أەنيأەرسال پايدالانۋ، جىلىنا 300 مىڭ شارشى مەترلىك توسەنىش تاس وندىرەتىن تاس ماتەريالدار زاأودتى سەكىلدى ءبىر سىپىرا جاڭا تۇرپاتتى بايلىق قاينارىندىق وبيەكتىلەر ارت – ارتىنان ورىن تەپتى. ءسۇيتىپ ونەركاسىپ قۇرىلىمىنىڭ جالاڭ بولۋ بەتالىسى بىرتىندەپ وزگەرىپ، شارۋاشىلىق قۇرىلىمى كورنەكتى جاقسارىپ، قازىنا قورلانا ءتۇستى.

” 11 – بەسجىلدىق ” جوسپارى مەزگىلىندە، اقساي اۋدانى دامۋ — ءبىرىنشى مىندەت دەگەندى بوساڭسىتپاي بەرىك ۇستاپ، جالپى بەتتى دوڭگەلەك داۋلەتتى قوعام قۇرۋ نىساناسىن وزەك ەتىپ، باتىس ءوڭىردى قاۋىرت اشۋ مەن ورتالىقتىڭ ىشكى قاجەتتىلىكتى ارتتىرۋ تاريحي ورايىن بەرىك ۇستاپ، حالىقارالىق فينانىس داعدارىسى مەن ءار ءتۇرلى تابيعي اپاتتاردىڭ الا كەلگەن ءتيىمىسز ىقپالدارىنا بەلسەندىلىكپەن توتەپ بەرىپ، قات – قابات قيىنشىلىقتارعا مويىماي، ” 11 – بەسجىلدىق ” نىساناسىن ءساتتى ورىندادى.

“11-بەسجىلدىق”مەزگىلى اقساي اۋدانىنىڭ رەفورما جاساپ، ەكونوميكانى دامىتۋىنىڭ ماڭىزدى تاريحي مەزگىلى بولدى.بەس جىلدا، اقساي اۋدانى عىلمي دامۋ كوزقاراسىن بەرىك تىكتەپ ءارى تياناقتاندىرىپ،ماكرولىق ورتانىڭ جاڭا وزگەرىسىنە بەلسەندىلىكپەن سايكەسىپ،ءار تۇرلى كۇردەلى اۋقىمدارمەن قيىنشىلىقتارعا بولعان باسەكەدە جەڭىسكە جەتىپ،”11-بەس جىلدىق”جوسپاردىڭ بەلگىلەگەن ءار تۇرلى كۇرەس نىسانالارىن ءساتتى ورىنداپ،حالىق شارۋاشىلىعى مەن قوعامدىق ءار سالا ىستەرىنىڭ جاپپاي سايكەستى عىلمي دامۋىن ساقتادى.

وسى بارىستا اقساي اۋدانى قۇرىلىمدى وڭاۋ قادامىن نىق باسىپ، دامۋدا تۇرلەر قۇرىلىسىن ۇستاۋ يدەياسىن بەرىك تىكتەۋدەن اۋىتقىماي،اۋداندىق قازىنا جىلىنا 10ميلليون يۋان ارناۋلى قارجى ورنالاستىرىپ،تۇرلەر قۇرىلىسىنىڭ الدىڭعى مەزگىلىندەگى قىزمەتىنە جۇمساپ،كاسىپ سالاسىنىڭ دامۋىن سۇيەمەلدەدى. ىلگەرىندى-كەيىندى تەمىر ۇنتاعىن ءوندىرۋ،ساپالى كومىر قىشقىل كىرەمنيدى ءوندىرۋ،ۇستىرتتەگى جەل توك الاڭى،سەمونت،تاس ماتەريالدارىن مانەرلەۋ قاتارلى ءبىر قىدىرۋ ءتۇيىندى قازىنا قاينارى تۇرلەرىن كىرگىزىپ ءارى جەتىستىرىپ،ونەركاسىپ قۇرىلىمىنىڭ جالاڭ بەت-بەينەسىن كورنەكتى وزگەرتتى.كاسپورىنداردان الاتىن اقىنى ازايتۋ نەمەسە كۇشىنەن قالدىرۋ جانە ءتيىمدى ساياساتتاردى قولعا كەلتىرۋ تاسىلدەرى ارقىلى،تاسماقتانىڭ تىرەكتى شارۋاشىلىق ورنىن بەكەمدەپ،ءار جىلى كاسىپورىنداردىڭ30ميلليون يۋاننان استام اۋىرتپالىعىن جەڭىلدەتىپ،كاسىپورىنداردىڭ دامۋ تەبىنىن ارتتىردى.بۇكىل اۋداننىڭ ونەركاسىپ ۇستەمە قۇنى231ميلليون يۋانعا جەتىپ،”10-بەس جىلدىقتىڭ”سوڭىنداعى ناتيجەمەن سالىستىرعاندا100ميلليون يۋان اسىپ ءتۇسىپ،جىلىنا %11.8 ارتتى. بۇكىل اۋداننىڭ وڭىرلىك جالپى ءونىم قۇنى 540 ميلليون يۋانعا جەتىپ، ” 10 – بەسجىلدىق ” جوسپارىنىڭ سوڭعى مەزگىلىمەن سالىستىرعاندا 290 ميلليون يۋان ارتىپ، جىل سايىن ورتا ەسەپپەن %16.7 ارتتى ؛ كىسى باسىندىق جالپى ءونىم قۇنى 630 مىڭ يۋان بولىپ، ” 10 – بەسجىلدىق ” جوسپارىنىڭ سوڭعى مەزگىلىمەن سالىستىرعاندا 320 مىڭ يۋان ارتىپ، جىل سايىن ورتا ەسەپپەن %13 ارتتى ؛ قازىنا كىرىسى 100 ميلليون يۋانعا جەتىپ، ” 10 – بەسجىلدىق ” جوسپارىنىڭ سوڭعى مەزگىلىمەن سالىستىرعاندا 62 ميلليون يۋان ارتىپ، جىل سايىن ورتا ەسەپپەن %22 ارتتى ؛ تۇراقتى مال – مۇلىككە 675 ميلليون يۋان قوسىلىپ، جىل سايىن ورتا ەسەپپەن %28 ارتتى ؛ مالشى – ديقانداردىڭ كىسى باسىندىق ناقتىلى كىرىسى 8918 يۋانعا جەتىپ، جىل سايىن ورتا ەسەپپەن %10 ارتتى ؛ اۋىل – قالاشىق تۇرعىندارىنىڭ كىسى باسىندىق ۇلەسىمدىلىك كىرىسى 16 مىڭ 600 يۋانعا جەتىپ، جىل سايىن ورتا ەسەپپەن %13 ارتتى ؛ قوعامدىق تۇتىنۋ بۇيىمدارىنىڭ بولشەك ساتىلۋ جالپى سومماسى 92 ميلليون 100 مىڭ يۋان بولىپ، جىل سايىن ورتا ەسەپپەن %18 ارتتى.
سونىمەن قوسا اقساي اۋدانى تۇرلەر قۇرىلىسىنىڭ قوزعاۋشىلىق ستراتەگياسىن اتقارىپ،ونەركاسىپ ەكونوميكاسىنىڭ تىرەكتىلىك ورنىن جەتە ءبىر ادىم تىكتەدى.جاڭا ەنەرگيا قاينارىنىڭ بايلىق سالاسى تاقىرىپ جاڭالاپ العا باستى.10مەگاأاتتىق كۇن نۇرىنان پايدالانىپ توك شىعارۋ تۇرلەر قۇرىلىسى ءساتتى بەكىتىلىپ، 49.5 مەگاأاتتىق ۇستىرتتەگى جەل توك الاڭىنىڭ قۇرىلىسى ءساتتى ءجۇرىلىپ،5ايدىڭ ىشىندە قۇرىلىستانىپ بولىپ،توراپقا قوسىلىپ جۇمىس جۇرگىزبەكشى. مەملەكەتتىڭ اينالمالى شارۋاشىلىقپەن جاڭا ەنەرگيا قاينارى سالاسىن دامىتۋ جونىندەگى ساياساتتارىنىڭ باعىت-باعدارىن دۇرىس يگەرگەندىكتەن،ورتالىقتىڭ مەجە ەسەبى ىشىندەگى قارجىسىنان17ميلليون 800مىڭ يۋان قولعا كەلتىرىلدى.1ميلليون200مىڭ توننالىق سەمونت تۇرلەر قۇرىلىسى،قۇرىلىس بارىسىنداعى از ۋاقىتتىق توقتاپ قالعان قيىنشىلىعىن جەڭىپ،ۇزدىك كاسىپورىننىڭ قارجىسىن كىرگىزۋ ارقىلى،قايتادان دۇرىس ارناعا ءتۇسىپ قۇرىلىستانۋ ۇستىندە ؛ 300مىڭ توننالىق تەمىر ۇنتاعىن ءوندىرۋ سەحى قۇرىلىستانىپ بولىپ،وندىرىسكە ءتۇستى؛4ميلليون توننالىق تاسماقتا قالدىق كەنىن جاپپاي پايدالانۋ،20مىڭ توننالىق جىلان بەدەرلى تاستىڭ قالدىق كەنىن جاپپاي پايدالانۋ تۇرلەر قۇرىلىسىنىڭ2-مەرزىمدىك قۇرىلىسى،100مىڭ توننالىق تەمىر ۇنتاعىن ءوندىرۋ سەحى،300مىڭ شارشى مەترلىك تاس ماتەريالدارىن اشۋ قاتارلى تۇرلەر قۇرىلىسى ءساتتى جۇرگىزىلىپ،10مىڭ توننالىق كۇكىرتتى ءسىلتى زاأودتى قۇرىلىس باستادى؛ايبىن حيميا ونەركاسىپ سەرىكتىگى مەن جيۋ چۋان بولات-تەمىر توبىنىڭ قايتادان ۇيىمداسىپ بىرلەسۋى جاپپاي اقىرلاسىپ،تەحنيكا،جابدىق جانە ءوندىرىس قۋاتى جاعىنان زور ورلەۋگە يە بولدى.جاڭادان 50ميلليون يۋان قارجى قوسىپ،حۋا شىگۋ،قانانبار مىس، تەمىر كەندەرىنە بارلاۋ جۇرگىزىپ،العاشقى ادىمدا بارلاعان مىس مەتالى 200مىڭ توننا بولدى. دۇن حۇاڭ قالاسىنان اقسايدىڭ بوراندىعىنا دەيىنگى تاس جول جاپپاي قۇرىلىس باستادى،اقساي اۋدانىنان سۋبەي اۋدانىنا دەيىنگى تاس جول قۇرىلىسى باستالۋ الدىندا تۇر؛تالماي تالپىنۋدىڭ ارقاسىندا،”دۇن حۋاڭ-قولمۇتى تەمىر جولى”مەن ” قالتىن وزەنىن بۇرىپ اكەلىپ، سارعالجىڭ وزەنىنە قوسۋ ” ينجەنەرياسىنىڭ اقسايدىڭ جاڭا اۋدان قالاشىعىنان وتەتىن جوبالاۋ جوباسى رەسمي بەكىتىلدى.ساۋداگەر شاقىرىپ، قارجى ەنگىزۋ ورتاسى كۇن سايىن جاقسارا ءتۇسىپ، 2ميلليون 850مىڭ يۋان قارجى قوسىپ،ونەركاسىپ رايونىنىڭ تازا سۋ زاأودىن جانە جول،سۋمەن قامداۋ قۇبىرلارىن وزگەرتۋ قۇرىلىسى جۇرگىزىلىپ، ونەركاسىپ رايونىنىڭ پايدالانىلۋ كولەمى كەڭەيتىلدى.2010 – جىلدىڭ وزىندە، ساۋداگەر شاقىرىپ قارجى ەنگىزۋ تۇرىنەن 6ءتۇردى ورىنداپ،توقتامعا قول قويعان قارجى770ميلليون يۋان بولىپ،وسىنىڭ212ميلليون يۋانى ەسەپكە كىرىپ بولدى. جيىنى مەملەكەت بوساتقان،ولكەدەن تولىقتاعان 137ميلليون يۋان قارجى قولعا كەلتىرىلدى،مۇنىڭ ىشىندە بولىمدەردىڭ اكەلگەن قارجىسى15ميلليون يۋان بولىپ،ءتۇيىندى تۇرلەر قۇرىلىسىنىڭ تەز قارقىنمەن دامۋىنا كەپىلدىك ەتىلدى ” 11 – بەسجىلدىقتىڭ ” سوڭعى مەزگىلىندە، اقساي اۋدانىنداعى كاسىپورىنداردىڭ ونەركاسىپ جالپى ءوندىرىس قۇنى823ميلليون يۋانعا جەتىپ،ىسكە اسىرعان ونەركاسىپ ۇستەمە قۇنى231ميلليون بولىپ،وتكەن جىلداعىمەن سالىستىرعاندا% 1.4ارتتى،كاسپورىنداردىڭ ناقتىلى كىرىسى 45ميلليون يۋانعا جەتىپ،وتكەن جىلداعىمەن سالىستىرعاندا%25.8ارتىپ، 32ميلليون يۋان باجى تاپسىرىلدى.

مىنە وسىلايشا اقساي اۋدانىنىڭ مەملەكەت ىشىندەگى وندىرىستىك جالپى قۇنى بۇكىل ولكەدەگى 86 اۋداننىڭ 4 – ورنىنا، 22 از ۇلت اۋدانداردىڭ 2 – ورنىنا، بۇكىل مەملەكەتتەگى 120 از ۇلت اۆتونوميالى اۋدانداردىڭ 2 – ورنىنا شىعىپ، ىلگەرىندى – كەيىندى ەكى رەت مەملەكەتىمىزدەگى 100 ەگەي اۋداندار قاتارىنان ورىن الىپ، شارۋاشىلىعى شالقىعان، ۇلتتارى ىنتىماقتى، قوعامى ورنىقتى، حالقى تىنىش قوي ۇستىنە بوز تورعاي جۇمىرتقالاعان ءومىر وتكىزىپ، جاڭا ءبىر دامۋ ساپارىنا جول الدى.

” 12 – بەسجىلدىق ” مەزگىلى، ياعىني بولاشاقتاعى بەس جىل،جالپى بەتتىك دوڭگەلەك داۋلەتتى قوعام قۇرۋدىڭ شەشۋشى مەزگىلى،ءارى اۆتونوميالى اۋداننىڭ نەگىزدى بەكەمدەپ، قيىن تۇيىندەردى كورنەكتىلەندىرىپ،دامۋدى جەدەلدەتىپ، ايىرماشىلىقتى ازايتاتىن ەرەكشە مەزگىلى. اقساي اۋدانى وسى ءبىر دامۋ ورايىن بەرىك ۇستاۋ ءۇشىن، عىلمي دامۋ كوزقاراسىنىڭ ءبىرتۇتاس جەتەكشىلىگىندە،پارتيانىڭ 17-كەزەكتى 5-قۇرىلتايىنىڭ رۋحىن جاپپاي دايەكتىلەندىرىپ، جيۋ چۇان قالاسىنىڭ الدىعا قويعان “ەكى جاقتىلى ۇستاپ،جاپپاي ىلگەرلەتۋ”مەن “3+2+6” تۇرپاتتى قازىرگى زامان كاسىپ جۇيەسىنىڭ سىراتيەگيالىق ورنالاستىرۋىنان اۋىتقىماي، ىنتىماقتىلىق پەن دامۋ سىندى ەكى باس تاقىرىپتى كورنەكتىلەندىرىپ،الدىن-الا جاپپاي دوڭگەلەك داۋلەتتى قوعامدى ىسكە اسىرۋدى ءتۇيىندى نىسانا،تۇرلەر قۇرىلىسن تىرەك،شارۋاشىلىقتىڭ دامۋ ساۋياسى مەن حالىق تۇرمىسىنىڭ ساپاسىن كورنەكتى جوعارلاتۋدى ءتۇپ-نەگىز ەتىپ،قۇرىلىمدى تەڭشەۋدى ءتۇيىندى تۇردە، مالشى – ديقانداردىڭ كىرىسىن ارتتىرۋدى قيىن ءتۇيىن رەتىندە ۇستاپ،بايلىق قاينارىن جاپپاي جالپىلىق پايدالانۋ،ەگىن-مال شارۋاشىلعى، ساياحات سىندى ءۇش ءتۇرلى كاسىپ سالاسىن نەگىزگى باعىت ەتىپ، تاسماقتا،قوپارعىش ءدارى،تاسماقتا قالدىق كەنىن پايدالانۋدى نەگىز ەتكەن تاسماقتا ءوندىرىس شوعىرى ؛جەل،كۇن نۇرى،سۋ ەلەكتر ستانسياسىن نەگىز ەتكەن جاڭا ەنەرگيا قاينارى سالاسىنىڭ ءوندىرىس شوعىرى ؛مىس، تەمىر،مىرامور،سەمونت قاتارلىلاردى نەگىز ەتكەن مەتاللۋرگيا ءوندىرىس سالاسى شوعىرى؛قۇرىلعىلى باعىمشىلىق،جوعارى ءونىمدى سۋ ۇنەمدەيتىن ەگىنشىلىكتى نەگىز ەتكەن ەگىن-مال شارۋاشىلىق سالاسىنىڭءوندىرىس شوعىرى ؛ ۇلتتىق مادەنيەت،تانىمالى ماركاداعى ات بايگەسى،وزىندىك ەرەكشەلىككە يە تابيعي كورىنىس رايونىن نەگىز ەتكەن ۇلتتىق ساياحات سالاسىنىڭ ءوندىرىس شوعىرى سەكىلدى بەس ءتۇرلى سالاداعىءوندىرىس شوعىرىن قۇلشىنا جەتىلدىرىپ،اۋداندى ەكولوگيامەن كوركەيتۋ،ونەركاسىپپەن الۋەتتەندىرۋ،مال شارۋاشىلىعىمەن ورنىقتىرۋ،وقۋ – اعارتۋ،عىلىم-تەحنيكامەن گۇلدەندىرۋ،ساياحاتپەن جاناندىرۋ،حالىق تۇرمىسىمەن اۋقاتتاندىرۋ جولىنان اداسپاي،الدىڭعى ءۇش جىلدا نەگىز قالاپ،سوڭعى ەكى جىلدا جەدەل دامىپ، بۇكىل اۋداننىڭ شارۋاشىلىعى مەن قوعامىنىڭ قارىشتاپ دامۋىن جاپپاي ىلگەرلەتەدى.

 

كەلۋقاينارى:جۇڭگو قازاق راديو تورابى



پىكىر قالدىرۋ

1 评论 在 "قۇت ۇيىعان ىرىستى مەكەن – اقساي"

avatar
  Subscribe  
最新 最旧 得票最多
ەسكەرتۋ