جەتى اتاعا دەيىن ۇيلەنبەۋ سىرى

ءداستۇرى تۇركى تەكتەس حالىقتاردىڭ ىشىندە تەك قازاقتاردا عانا بار دەيمىز. نەگە ەكەنىن بىلەمىز بە؟

وسى جايىندا وقىعان ءبىر اڭىز اڭگىمەنى ۇسىنباقپىن:

15- عاسىردا قازاق حاندىعى ورناپ، ونى كەرەي مەن جانىبەك حاندار باسقارعانى بەلگىلى. بىردە جانىبەك حاننىڭ اقىلشىسى، كەڭەسشىسى جيرەنشە شەشەن قاتتى اۋىرىپ، توسەك تارتىپ جاتىپ قالىپتى. جاقىن جەرلەردەگى تالاي بەلگىلى ەمشى، باقسىلاردى شاقىرتىپ قاراتسا دا، ەش ەم قونباپتى. سوڭىندا اتاقتى وتەبويداق دەگەن ەمشى بارىن ءبىلىپ، سونى شاقىرادى. وتەبويداقتىڭ ەمىنەن كەيىن جيرەنشە جازىلىپ، دەرتىنەن ايىعىپتى. جانىبەك حان ەمشىگە ريزا بولىپ، بىرنەشە سۇراق قويىپتى. كوپ سۇراقتارىنا قونىمدى جاۋاپتار الىپ، سوڭعى سۇراعىن قويىپتى:

– قانداي اۋرۋدى ەمدەۋ قيىن؟

– تۇقىم قۋالايتىن اۋرۋدى ەمدەۋ قيىن.

– ال، ونىڭ الدىن الۋعا بولا ما؟ –

بولادى. جەتى اتاعا دەيىن تۋىس ادامدار قىز الىسپاۋ كەرەك!

جەتى-قازاق ءۇشىن قاسيەتتى سان. وتەبويداق ەمشىنىڭ ايتقانىن جانىبەك حان جادىنا توقىپ، حالىققا جەتى اتاعا دەيىن ۇيلەنۋگە تيىم سالىپتى. «كىمدە كىم جەتى اتاعا تولماي ۇيلەنسە، ءولىم جازاسىنا كەسىلسىن» دەگەن جارلىق شىعىپتى. سودان بەرگى قازاق حاندارى دا وسى جارلىقتى بۇلجىتپاي ورىنداپ وتىرىپتى.

«جەتى اتاسىن بىلمەگەن –  جەتەسىز» دەگەن سودان قالعان.

ەندى جەتى اتا قالاي اتالاتىنا كەلسەك، گازەت- جۋرنالداردا دا، كىتاپتاردا دا جەتى اتانىڭ ۇرپاقتارىن كوبىنە بىلاي ءبولىپ كەلەدى:

1. اتا

2. اكە

3. بالا

4. نەمەرە

5. شوبەرە

6. شوپشەك

7. نەمەنە

8. تۋاجات

….

قازاقتاردا ءوزارا قۇداندالاسۋ – تۋاجاتتان باستالادى. شەجىرەلەرىمىزدى بىلە جۇرەيىك!

دەرەككوز: قازاقپارات



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ