ﻗﺎزاﻗﺘﯩﯔ داﺳﺘﺎرﻗﺎن ءداﺳﺘﯘرى

  ﺳﯩﺮﮔﻪ ﺟﻴﺎر

ﻛﯘزﮔﻪ ﻗﺎراي ءﺷﻮپ ﺑﯟﯨﻨﻰ ﻗﺎﺗﻘﺎن ﻛﻪزدە، ﺑﻴﻪ اﻋﯩﺘﯩﻠﯩﭗ، ﺑﯘزاۋدان ﺳﯩﺮﮔﻪ اﻟﯩﻨﺎر ﺷﺎﻗﺘﺎ، ﺟﺎﻳﯩلار داﺳﺘﺎرﻗﺎن ءداﻣﯩﻦ « ﺳﯩﺮﮔﻪ ﺟﻴﺎر » دەﻳﺪى. ادەﺗﺘﻪ ﺟﺎز ورﺗﺎﺳﻰ اۋا ﺑﯘزاۋدﯨﯔ ﺗﺎﻧﺎۋﯨﻨﺎ ﺳﯩﺮﮔﻪ ﺳﺎﻟﯩﻨﯩﭗ، ەﻧﻪﺳﯩﻤﻪن ﺑﯩﺮﮔﻪ ورﯨﺴﻜﻪ ﺟﯩﺒﻪرﯨﻠﻪدى. ﺳﯩﺮﮔﻪﻟﻰ ﺑﯘزاۋ ﺟﺎﻳﯩﻠﻌﺎﻧﯩﻤﻪن، ەﻧﻪﺳﯩﻦ ەﻣﻪ اﻟﻤﺎﻳﺪى. ﺳﯩﺮﮔﻪ ﺑﯘزاۋدﯨﯔ دا، ﺳﻴﯩﺮدﯨﯔ دا ەرﻛﯩﻦ ﺟﺎﻳﯩﻠﯩﭗ، ﺳﻪﻣﯩﺮۋى ءۇﺷﯩﻦ ﭘﺎﻳﺪاﻟﻰ ﻗﯘرال.

ﻛﯘزدە اۋﯨﻞ ﺑﺎلالارى ﺳﻪﻣﯩﺰ ﺑﯘزاۋﻋﺎ ﺷﺎﻟﻤﺎ ﺗﺎﺳﺘﺎپ، ﺳﯩﺮﮔﻪﺳﯩﻦ اﻟﯩﭗ، ﻗﯘﻟﯩﻨﻨﺎن ﻧﻮﻗﺘﺎ ﺳﯩﭙﯩﺮﯨﻠﯩﭗ، ﺑﯩﺮﻧﻪﺷﻪ ﻛﯘن ﺑﻮﻳﻰ ﺟﻴﻨﺎﻟﻌﺎن « ﺳﯩﺮﮔﻪ ﺟﻴﺎر » ﻗﯩﻤﯩﺰ ءﯨﺸﯩﻠﯩﭗ، ۇﻟﻜﻪن اداﻣﺪار ﻣﺎل ﺑﺎﺳﯩﻨﯩﯔ اﻣﺎﻧﺪﯨﻌﯩﻨﺎ ﺑﺎﺗﺎﺳﯩﻦ ﺑﻪرﯨﭗ، ﻳﮕﻰ ﺗﯩﻠﻪﻛﺘﻪر اﻳﺘﺎدى. ﺗﯩﻠﻪك، ﺑﺎﺗﺎ ۇﺳﺘﯩﻨﺪە ﻣﺎﯕﺪاﻳﻌﺎ ﺑﯩﺘﻜﻪن ﺑﺎق – ادال ﻣﺎﻟﻌﺎ ەن ﺳﺎﻟﯩﻨﺎدى. ﺳﻮل ﻣﺎﻟﻌﺎ ﻣﯘراﮔﻪر ﺑﻮلار ۇرﭘﺎﻗﻘﺎ ﺑﺎﺳﯩﺮە ﺗﺎي اﺗﺎلادى. ءﺳﻮﻳﺘﯩﭗ، ءﺗﻮرت ﺗﯘﻟﯩﻚ ﻣﺎﻟﯩﻨﯩﯔ ﺳﯘﻣﻪﺳﯩﻦ ﺗﯩﺮﺷﯩﻠﯩﮕﯩﻨﻪ ﺗﯩﺮەك ەﺗﻜﻪن ﻛﻮﺷﭙﻪﻟﻰ ەل ەﯕﺒﻪﮔﯩﻨﯩﯔ زەﻳﻨﻪﺗﯩﻦ تويلاعانداي ﻣﺎرە-ﺳﺎرە ﻛﯘي ﻛﻪﺷﻪدى.

ﺗﻮﻗﯩﻢ ﻗﺎﻋﺎر

اۋﯨﻞ ءۇﻳﺪﯨﯔ ﻗﺎرﺗﺘﺎرى ﺟﻮل ﺟﯘرەردە، ﺟﺎﺳﺘﺎر ﺟﺎﻋﻰ ءﺑﯩﺮﯨﯖﻌﺎي ﺑﻮﻟﯩﭗ، اﺗﻘﺎ ﻣﯩﻨﻪردە «ﺗﻮﻗﯩﻢ ﻗﺎﻋﺎر» دەپ اﺗﺎلاﺗﯩﻦ ﺗﺎﻣﺎق ازﯨﺮﻟﻪﻧﯩﭗ، داﺳﺘﺎرﻗﺎن جايىلادى. ﻣﯘﻧﯩﯔ ءوزى ءﺑﯩﺮ ﺟﺎﻋﻰ ﺟﻮل ﺟﯘرەردە ۇﻟﻜﻪﻧﺪەردﯨﯔ ﺟﻮﻟﯩﻨﯩﯔ ﺑﻮﻟﯟﯨﻨﺎ ﺗﯩﻠﻪۋﻟﻪﺳﺘﯩﻚ ﺑﻮﻟﺴﺎ، ەﻛﯩﻨﺸﯩﺪەن، ﺟﺎس ﺑﺎلاﻧﯩﯔ اﻣﺎﻧﺪﯨﻌﯩﻨﺎ ﻗﯟاﻧﯩﺶ ﺑﻪﻟﮕﯩﺴﻰ ﺳﻴﺎﻗﺘﻰ ﺟﻮﻟﺪى ﺑﯩﻠﺪﯨﺮەدى.

ﺑﺎﺳﺘﺎﯕﻌﻰ

اۋﯨﻞ ءۇﻳﺪﯨﯔ ۇﻟﻜﻪﻧﺪەرى ﻛﻮرﺷﻰ اۋﯨﻠﻰ ءﺗﯘرﻟﻰ ءﺟﻮن-ﺟﻮراﻟﻌﯩﻤﻪن ﻛﻪﻟﮕﻪﻧﺪە، اۋﯨﻠﺪا ﻗﺎﻟﻌﺎن ﺟﺎﺳﺘﺎر « ﺑﺎﺳﺘﺎﯕﻌﻰ » دەپ اﺗﺎلاﺗﯩﻦ ﺗﺎﻣﺎق ﺟﺎﺳﺎپ اس ﺗﺎرﺗﺎدى. ءﺑﯩﺮﯨﯖﻌﺎي ﺟﺎﺳﺘﺎر ﻗﯩﺴﯩﻠﯩﭗ، ﻗﯩﻤﺘﯩﺮﯨﻠﻤﺎي ەرﻛﯩﻦ ازﯨﻠﺪەﺳﯩﭗ، ءان-ﻛﯘﻳﻤﻪن ﻛﻮﯕﯩﻞ ﻛﻮﺗﻪرەدى.

ﺑﺎﺳﺘﺎﯕﻌﯩﻨﻰ اﻛﻪ-ﺷﻪﺷﻪﺳﻰ ﺟﻮل ءﺟﯘرﯨﭗ ﻛﻪﺗﻜﻪن ءۇﻳﺪﯨﯔ ﺑﻮﻳﺠﻪﺗﻜﻪن ﻗﯩﺰى دا ﺟﺎﺳﺎي ﺑﻪرەدى. ﺑﯘل ءداﺳﺘﯘر ﻛﯩﺴﯩﻠﯩﻜﺘﯩﯔ ﺟﻮﻟﻰ ﺳﻴﺎﻗﺘﻰ ورﻧﺎﻋﺎن.

ﺷﺎﺷﯩﺮاﺗﻘﻰ

ﻣﺎل ﺑﺎﺳﯩﻨﯩﯔ ءوﺳﯩﻤﻰ ﻣﻪن اﻣﺎﻧﺪﯨﻌﻰ ﻗﺎﺷﺎن دا ﺑﻪرەﻛﻪ ﻣﻪن ﻗﯟاﻧﯩﺶ ﻛﻪﭘﯩﻠﻰ. ﺳﻮﻧﺪﯨﻘﺘﺎن دا ﻣﺎﻟﺪﯨﯔ ﻗﺎس-ﻗﺎﺑﺎﻋﯩﻨﺎ دەن ﻗﻮﻳﻌﺎن ﺷﺎرۋالار ﻗﺎۋﯨﻤﻰ ﻛﯘﻳﻪك ﺷﻪﺷﻪدى. ﻛﯘﻳﻪك اﻟﯟ ءۇﺷﯩﻦ، ادەﺗﺘﻪ ءﺳﺎﺗﺘﻰ ﺳﺎرﺳﻪﻧﺒﻰ، ﺑﻪﻳﺴﻪﻧﺒﻰ ﺳﻴﺎﻗﺘﻰ ﻛﯘﻧﺪەر ﺗﺎﯕﺪالادى. ﺳﻮل ﻛﯘﻧﻰ اۋﯨﻞ ەﻟﺪﯨﯔ ﺗﯩﻠﻪۋ ﻗﻮر ﺑﺎﻳﺒﯩﺸﻪﻟﻪرى ﻣﺎﻟﺪﯨﯔ ﺑﺎﺳﯩﻨﺎ ﻛﻪﻟﯩﭗ « ﯨﺴﻜﻪ ءﺳﺎت » دەپ ﻣﺎﻟﺪﯨﯔ ﻗﯩﺴﯩﺮ ﻗﺎﻟﻤﺎۋﯨﻨﺎ ﺗﯩﻠﻪۋﻟﻪﺳﺘﯩﮕﯩﻦ ﺑﯩﻠﺪﯨﺮەدى. ﺳﻮل ﺟﻪردە ﺷﺎﺷﯟ ﺷﺎﺷﯩﭗ، مالشىلاردىڭ ﻛﻮﯕﯩﻠﯩﻦ ﺟﺎدﯨﺮاﺗﺎدى. ﺷﺎﺷﯟ ﺗﺎﻋﺎﻣﻨﯩﯔ ﯨﺸﯩﻨﺪە ادەﺗﺘﻪ ءﺑﯩﺮ ۋﯨﺲ ﺗﺎرى ﺑﻮلادى. وﺗﺎر ﻳﻪﺳﻰ ﺳﻮل ﺗﺎرﯨﻨﻰ ۋﯨﺴﺘﺎپ اﻟﯩﭗ، ءﺑﯩﺮ ﺳﺎۋﻟﯩﻌﯩﻦ ۇﺳﺘﺎﻳﺪى دا « ءﺗﻮل ﺗﺎرﯨﺪاي ﻛﻮپ ﺑﻮﻟﺴﯩﻦ! » دەپ اﻟﮕﻰ ﺗﺎرﯨﻨﻰ ﻗﻮﻳﺪﯨﯔ اۋﯨﺰﯨﻨﺎ ﻗﯘﻳﺎدى. ال ﻛﻪﺷﻜﻪ ﻗﺎراي اﻟﮕﻰ ﺗﯩﻠﻪۋ ﻗﻮر ﺑﺎﻳﺒﯩﺸﻪﻟﻪر مالشىلارعا « ﺷﺎﺷﯩﺮاﺗﻘﻰ » دەپ اﺗﺎلاﺗﯩﻦ ﺗﺎﻋﺎم ﺗﺎرﺗﺎدى.(تارباعاتاي اقپارات تورابىنان الىندى)



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ