ادەپتىلىكتىڭ قاعيداسى

تاربيە كورگەن، مادەنيەتتى بولۋ بۇگىنگى تاڭدا ەلدىڭ ىقىلاسىنا بولەنۋدىڭ باستى تالاپتارىنىڭ ءبىرى. الايدا، بۇل مادەنيەتتى ادامنىڭ ەڭ باستى قاسيەتى ەمەس. ادەپتى، تاربيەلى ادامدار ادەتتە ىڭعايسىز جاعدايلارعا وتە سيرەك تاپ بولادى جانە وزگە ادامدارمەن جانجالداسپايدى. سونىمەن قاتار، ءومىر جولى ءساتتى قالىپتاسقان ادامدار ادەتتە وتە تاربيەلى بولىپ كەلەدى…
ەندى، نازارلارىڭىزعا كوپشىلىك اراسىندا جاقسى جاعىنان كورىنىپ، ءومىر بەرگەن يگىلىكتەردىڭ راحاتىن كورۋ ءۇشىن قاجەتتى ەڭ قاراپايىم دەگەن ەرەجەلەردى ۇسىنامىز…
 كۇندەلىكتى ادامدارمەن ارالاسۋ:
 بۇل جەردە ءبىز ءوزىن تاربيەلى ادام رەتىندە تانىتقىسى كەلەتىندەر ءۇشىن ەستە ۇستاۋ قاجەت بىرنەشە تالاپتار تۋرالى جازباقپىز.
 عيماراتقا كىرگەن كەزدە ءاردايىم ءبىرىنشى بولىپ امانداسۋ كەرەك. ەگەر ءسىزدىڭ قاسىڭىزداعى ادام بىرەۋمەن امانداساتىن بولسا، ونىمەن ءسىز دە امانداسىڭىز.«راحمەت» ايتۋدى ەشقاشان دا ۇمىتپاڭىز.
دورەكى سويلەگەن ادامعا دورەكىلى تانىتپاڭىز، بۇل كوپشىلىك الدىندا ءسىزدىڭ بەدەلىڭىزگە نۇقسان كەلتىرەدى. ەگەر بىرەۋدىڭ ۇيىنە قوناققا باراتىن بولساڭىز، ءۇي يەلەرىن ءوزىڭىزدىڭ كەلەتىندىگىڭىزدەن الدىن الا حاباردار ەتىڭىز.
دورەكى جانە ادەپسىز ارەكەتتەردى ەلەمەڭىز.
قاتەلەسسەڭىز تەك ءبىر رەت قانا كەشىرىم سۇراڭىز. ءوزىڭىزدى كەمشىلىگىڭىز تۋرالى قايتا-قايتا ەسكە سالا بەرۋدىڭ قاجەتى جوق.      بىرەۋمەن سويلەسىپ تۇرعان كەزدە اڭگىمەلەسۋشىڭىزدىڭ قولىنان ۇستاپ تۇرۋ سياقتى قىلىقتاردان اۋلاق بولعان ءجون. سىرتقى كەلبەت: الدىن الا ەسكەرتەيىك، ەگەر يەسىنە جاراسپايتىن بولسا ەڭ سوڭعى ۇلگىدەگى دەگەن ءسان ۇلگىسىنىڭ ءوزى كوزگە وعاش كورىنەدى. ەندى قاراپايمى تالاپتارعا كوشەيىك. ۇيدەن شىققاندا مىندەتتى تۇردە اياق كيىمىڭىزدى تازالاپ شىعىڭىز جانە ونى قاجەت كەزدە ءسۇرتىپ تازارتىپ وتىرۋ، ءۇشىن ىلعي شۇبەرەك نەمەسە اياق كيىم تازالاۋعا قاجەتتى زاتتاردى الىپ ءجۇرىڭىز. يىس سۋلاردى ۇقىپپەن پايدالانعان ءجون. ويتكەنى، كەيبىر ادامدارعا وتكىر ءيىس ۇنامايدى، كەيبىرىنىڭ ءتىپتى اللەرگياسى بولۋى مۇمكىن. كيەتىن كيمىڭىز باراتىن شاراڭىزعا لايىقتى بولۋى كەرەك. ياعني، كەڭسەگە كيەتىن، ساياباقتا سەرۋەندەگەن كەزدە كيەتىن، تەاتر مەن مەيرامحاناعا باراتىن كەزدە كيەتىن كيىمدەر وزىنشە بولەك بولۋى كەرەك. قوعامدىق ورىنداردا ءوزىڭىزدى ۇستاۋ تۋرالى: ەگەر ءسىز بىرەۋمەن سويلەسىپ وتىرعان بولساڭىز تەلەفونىڭىز تۋرالى ۇمىتۋىڭىز كەرەك. قوعامدىق ورىنداردا تەلەفونمەن ۇزاق سويلەسۋگە بولمايدى. سونداي-اق، تەلەفونمەن سويلەسكەندە قاتتى داۋىس شىعارىپ سويلەۋ جانە قارقىلداپ كۇلۋ دە ورىنسىز… عيمارات ىشىندە وتىرعاندا ايەل ادامعا باس كيىمىمەن جانە بەس ساۋساق قولعابىمەن (پەرچاتكا) وتىرا بەرۋگە بولادى. ەر ادام ايەل ادامنىڭ الدىندا وتىرىپ، شىلىم شەگەتىن كەزدە الدىمەن ايەل ادامنان رۇقسات سۇراۋى كەرەك. ەگەر ءسىز كولىك جۇرگىزىپ كەلە جاتساڭىز جاياۋ جۇرگىنشىلەرگە شالشىق سۋدى شاشىراتىپ كەتپەۋدى قاداعالاعانىڭىز دۇرىس… مەيرامحانا مەن تەاترعا بارعاندا: وزىڭىزدىڭ ورنىڭىزعا وتىرعان ادامدارعا قارسى جۇرە وتىرىپ جەتۋ كەرەك. بۇل ەرتتە ەر ادامنىڭ ءبىرىنشى جۇرەتىنىن ايتا كەتۋ كەرەك. مەيرامعاناعا بارعاندا دا الدىمەن ەر ادام كىرەدى. سۋشيدى ەر ادام قولىمەن جەسە دە بولادى. مەيرامحاناعا كىم شاقىرادى، جەلىنگەن تاعامنىڭ اقىسىن دا سول تولەيدى. ەگەر شىعىندى ەكى جاق ءبولىپ تولەيتىن بولسا، بۇل تۋرالى الدىن الا كەلىسىلۋى كەرەك. ادەپتى، تاربيەلى ادام بولۋ اسا قيىن ەمەس. وعان ازداپ كۇش سالساڭىز جەتكىلىكتى. ءومىرىڭىز ءماندى دە ءساندى بولا تۇسەدى. شىن مانىندەگى مادەنيەتتى ادام وزگەلەردىڭ قاتەلىكتەرىن ەلەمەۋى كەرەك. وسى قۇندى كەڭەستەرمەن وزگەلەرمەن بولىسۋگە اسىعىڭىز.

说点什么

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ