كەدەي ءوز كۇشىنە، باي ەل كۇشىنە سۇيەنەدى

باياعىدا ءبىر كەدەي بولعان ەكەن. كيەر-كيمگە دە، ىشەر-اسقا دا جارىماعان ول ءبىر كۇنى «بۇل تۇرمىس نەتكەن جاپالى ەدى، ءار كۇنى دىڭكەم قۇرىعانشا ىستەسەمدە، تاپقان اقشامنىڭ تامتىعى جوق»-دەپ قۇداي الدىندا زار يلەپ جىلاپتى. جارىم كۇن جىلاعان ول كەنەت توقتاي قالىپ « تەڭشەلمەگەن دۇنيە-اي! بايلار نە ءۇشىن ءار كۇنى بەكەر بوسقا جۇرۋى، ال كەدەيلەر نە ءۇشىن كۇنىگە جاپا تارتۋى كەرەك ەكەن؟»–دەپ كەيي جونەلىپتى. قۇداي كۇلىمسىرەپ تۇرىپ: «سەنشە، قايتكەندە ادىلەتتىك بولار ەدى» دەپ سۇراپتى. «باي دا مەن سەكىلدى كەدەي بولسىن، ۇقساس جۇمىس ىستەيىك، ەگەر باي تاعىدا باي بولىپ شىعا كەلسە، مەن ەكىنشى كەيىمەس ەدىم» دەپتى كەدەي. قۇداي باسىن يزەپ «جارايدى وندا» دەپتى دە لەزدە ءبىر بايدى كەدەي مەن ۇقساس ءبىر كەدەيگە اينالدىرىپتى. ءارى ەكەۋىنە دە ءبىر-بىردەن تاۋ بەرىپ، ءار كۇنى قازعان كومىرلەرىن ساتىپ وعان ءىشىپ-جەم ساتىپ الۋعا بولاتىندىعىن، الايدا تاۋداعى كومىردى ءبىر اي ىشىندە قازىپ تۇگەتۋ كەرەكتىگىن ايتىپتى. كەدەي مەن باي بىرگە قازۋدى باستاپتى. اۋىر جۇمىس ىستەپ كونىگىپ العان كەدەيگە كومىر قازۋ تۇكتە قيىن شارۋا ەمەس ەدى. ءبىردەمدە ءبىر اربا كومىر قازىپ بولىپ، بازارعا اپارىپ ساتادى دا ايەلىمەن بالا-شاعاسىنىڭ قارنىن تويدىرۋ ءۇشىن تۇسكەن اقشاعا تۇگەلدەي ىشەر اس-سۋ ساتىپ الادى. ال ادەتتە اۋىر جۇمىس ىستەپ كورمەگەن باي، ءبىر قازىپ، ءبىر دەمالىپ قارا تەرگە شومىلادى. كەش باتۋعا تاياعان دا ازەرگە ءبىر اربا كومىر قازىپ بولادى دا، بازارعا اپارىپ ساتىپ، تۇسكەن اقشاعا ازىراق قانا قاتقان نان ساتىپ الادى دا قالعان اقشاسىن ساقتاپ قويادى. ەكىنشى كۇنى كەدەي ەرتە تۇرىپ كومىرىن قازا باستاعاندا، باي بازارعا كەتەدى. بىردەمدە الپامساداي ەكى جۋان كەدەيدى ەرتىپ كەلەدى دە ولارعا كومىر قازدىرىپ قويىپ، ءوزى تەك بۇيرىق ايتىپ باقىلاپ وتىرادى. تەك جارىم كۇننىڭ وزىندە باي ەكى كەدەيگە بىرنەشە اربا كومىر قازدىرىپ بولادى. كومىرلەرىن ساتىپ، تاعىدا بىرنەشە ەڭبەك كۇش جالداپ اكەلەدى. وسىلايشا ونىڭ ءبىر كۇندە تاپقان اقشاسى، ەڭبەكشىلەردىڭ جال اقىسىن شىعارىپ تاستاعاننىڭ وزىندە كەدەيدىڭ تاپقان اقشاسىنان نەشە ەسە كوپ بوپ شىعادى. ءبىر اي ۋاقىت لەزدە وتە شىعادى، كەدەي كومىر تاۋدىڭ تەك ءبىر بۇرىشىن عانا قازىپ بولادى. ول ءار كۇنى تاپقان اقشاسىنا تۇگەلىمەن تەك ءىشىپ-جەم ساتىپ العاندىقتان ەشتەمەدە جيناي المايدى. ال باي جالدامشى ىستەتۋ ارقىلى باياعىدا اق تاۋدى قازىپ تۇگەتىپ كوپ اقشا جيناپ الادى، ءارى سول اقشالارى ارقىلى ساۋدا ىستەپ تاعىدا باي بولىپ شىعا كەلەدى…كەدەي ەندىگارى كەيىمەيتىن بولعان ەكەن. تابىسقا جەتۋ-سەنىڭ قانشا جۇمىس ىستەۋىڭدە ەمەس، قايتا قانشا ادامنىڭ كۇشىنە سۇيەنىپ قانشالىق جۇمىس ىستەۋىڭدە!

说点什么

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ