دامۋ جولىنداعى باركول قازاق ەمشىلىگى شيپاحاناسى

ەرىكتى ءتىلشى مارالبەك ابدىكارىم ۇلى حابارلايدى. زامانا ۇنىنە ءۇن قوسقان، پارتيانىڭ 19-كەزەكتى قۇرىلتايىنىڭ تابىستى اشىلۋى قارساڭىندا، ءبىز التىن كۇزدىڭ شۋاعى شار تاراپقا شاشىلعان، قوڭىر سامال ەسكەن قىركۇيەك ايىنىڭ ءساليقالى ساتىندە، ات باسىن بايابان باركولدەي قۇتتى مەكەنگە بۇرىپ، وسى ەلدەگى مەدەيتسيا جاڭالىقتارىنىڭ ءمان-جايىن ۇعىسقان جايىمىز بار ەدى.

باركول قازاق اۆتونوميالى اۋداندىق قازاق ەمشىلىگى  شيپاحاناسىنىڭ باستىعى، دارقان كوڭىلدى ازاماتىمىز ەرجان بايجۇما ۇلى ءبىزدى قىزۋ قارسى الىپ ، شيپاحانا احۋالىن تانىستىردى.

باركول قازاق ەمشىلىگى شيپاحاناسى قۇمىل ايماعىنداعى بىردەن-ءبىر قازاق ەمشىلىگى شيپاگەرلىگىن نەگىز ەتكەن شيپاحانا بولىپ، قۇمىل ايماعىنىڭ ءارجەرىنەن كەلگەن ناۋقاستاردى كورۋ مەن قاتار باسقا جەردەگىلەردى دە قابىلداپ، شيپاحانانىڭ اتىن الىس-جاقىنعا تانىتقان ەكەن. قازىر شيپاحانادا ارناۋلى قازاق ەمشىلىگى شيپاگەرلىگىن تامامداعان 6 شيپاگەر، 9 سەستىرا بار ەكەن. شيپاحانادا نەگىزىنەن بۇلاۋ، قاندالما، شاپتالعى، قۇرعاق ينە قۇيۋ، لوڭقا توڭكەرۋ سياقتى ءداستۇرلى ادىستەرمەن ءارتۇرلى ناۋقاستاردى ەمدەسە،وسىزامانعى وزىق تەحنيكادان پايدالانعان فيزيكالىق ەمدەۋ ءتاسىلى، اۆتوماتتى بۇلاۋ ناۋاشىعى، وتىرما، مالما بۇلاۋ كاتەلشەسى، وسىزامانعى پاران قازاندا لات سۋدى ىعىستىرۋ قۇرىلعىلارى قاتارلى قۇرىلعىلارىن زامان تالابىنا ساي ىستەتىپ، 2-دارەجەلى شيپاحانا ولشەمىنە جەتكەن ەكەن.

ءبىز شيپاحانادا اۋرۋ كورسەتىپ جاتقان ايشوكەن اتتى اپايمەن اڭگىمەدە بولعانىمىزدا، ءوزىنىڭ ۇزاق جىل بويعى قور بۋىن ناۋقاسىن جانە قان باسىم، جۇرەك قاتارلى ناۋقاستارىن داۋالاتىپ جاتقانىن ايتا كەلىپ تەبىرەنگەن بەينەدە: «بۇرىن سىرتقا بارىپ كورىنەتىنبىز، قازىر پارتيانىڭ ابزال ساياساتىنىڭ ارقاسىندا، ءوز اۋدانىمىزدا ۇلتتىق ەرەكشەلىكتەگى قازاق شيپاگەرلىگىمەن داۋالاناتىن بولدىق، وتە جاقسى بولدى »-دەدى.

ال شيپاحانا باستىعى ەرجان بايجۇما ۇلى : « اۋدانىمىزدا قازاق ەمشىلىگى شيپاحاناسى اشىلعاننان كەيىن، حالىق بۇقاراسىنا وتە ءتيىمدى بولدى، اسىرەسە ەمدەلۋ ارزان، ءونىمى كورنەكتى بولىپ، حالىقتى ناۋقاسىن داۋالاتا الماۋ، داۋالانۋ قاراجاتى جوعارى بولۋ سياقتى قيىنشىلىقتاردان ارىلتىپ، حالىقتىڭ ەمدەۋ-داۋالانۋ قيىنشىلىعىن شەشۋدەگى التىن كىلت بولدى»-دەپ جۇرەك جاردى قۋانىشىن ءبىلدىردى. ءداۋىر تالابىنا ساي حانزۋ تىلىندە وقىسادا، قازاق شيپاگەرلىگىنىڭ سەستىرالىق قىزمەتىن قۇلشىنا ىستەپ كەلە جاتقان جاس سەستىرا كۇلجامىش ءتۇسىپقان قىزى ءوز ويىن بىلاي جەتكىزدى: «مەن باستابىندا حانزۋ تىلىندە وقىعاندىقتان، سەستىرالىق قىزمەت بارىسىندا ناۋقاستارعا قىزمەت وتەۋدە كوپتەگەن قيىنشىلىقتارعا تاپ بولدىم، سونىمەن ءوز ۇلتىمنىڭ ءتىلىن تولىق ۇيرەنبەسەم بولمايتىنىن ءبىلىپ، ارناۋلى ۇيرەنىس الىپ باردىم، قازىر جاعداي جاقسى، قوس تىلدە قىزمەت الىپ باراتىن دارەجەگە جەتتىم، ءارى بالامدى دا قوس تىلدە تاربيەلەپ جاتىرمىن، مەن وسى شيپاحانانى قوس ءتىل ۇيرەنۋدەگى تاربيە بازام-دەپ بىلەم»-دەدى.

باركول قازاق اۆتونوميالى اۋدانى جىبەك جولىنداعى ماڭىزدى قالاشىق، بۇگىنگى باركولدىڭ شارۋاشىلىعى شالقىعان، قوعامى ورنىقتى، ۇلتتارى بەرەكەلى دە ىنتىماقتى بولىپ ۇشقان قۇستاي دامۋى ورتالىقتىڭ شينجياڭ قىزمەت رۋحىن دايەكتى اتقارىپ، «ءبىر بەلدەۋ،ءبىرجول» ىستىراتەگياسىنا سايكەسۋىنىڭ ناتيجەسى ەكەندىگىن دە شيپاحانا باستىعى ەرجان جولداس ايتا كەلىپ، باركولدەگى قازاق ەمشىلىگى شيپاحاناسىنىڭ دامۋ بولاشاعىنىڭ ءتىپتى دە نۇرلى  بولاتىندىعىنا سەنىمى بەرىك ەكەندىگىن ءبىلدىردى.

ءبىز بايابان باركولدەي قۇتتى مەكەندەگى قازاق شيپاگەرلىگىنىڭ پارتيانىڭ ابزال ساياساتى استىندا زور دامۋشىلىقتارعا قول جەتكىزۋىن ءۇمىت ەتەمىز.

ءتىلشىنىڭ قىزمەت ورنى: گانسۋ ولكەسى اقساي قازاق اۆتونوميالى اۋداندىق ۇكىمەت قازاق ءتىل–جازۋ كەڭسەسى

باركول قازاق اۆتونوميالى اۋداندىق قازاق ەمشىلىگى شيپاحاناسىنىڭ باستىعى ەرجان بايجۇما ۇلى

说点什么

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ