التايدان تۇركياعا اۋعان ەلدىن كوش جولى

 جەر شارىنداعى ەڭ ۇزاق كوشتىڭ ءبۇيداسىن ۇستاعان قازاقتار التايدان باستالعان كوش كەرۋەنى ءتاڭىر تاۋدى باسىپ، شۇلەن تاۋ مەن التىن تاۋدى جايلاپ، كۇنلۇن تاۋىنان اسىپ، تيبەتتىڭ سارى جونىن كوكتەي ءوتىپ ۇندىستانعا جەتكەن. سول وڭىردە 12 جىل تۇرىپ سوڭىندا تۇركياعا بارىپ قونىستانعان. تۇركيا ارقىلى بۇگىنگى ەۆروپا قازاقتارىن قالىپتاستىرعانى بارلىعىمىزعا ايان. دەسەدە وسى كوشتىڭ قالاي باستالعانى، وندا قانداي قاندى جولداردى باسىپ وتكەنى جايىندا اسا كوپ بىلە بەرمەيمىز. سوندىقتان ىزدەنىس جاساپ، تاريح ماتەريالعا نەگىزدەلىپ، وسى “التايدان تۇركياعا اۋعان ەلدىن كوش جولى”-اتتى قاريتانى جوبالاپ سىزىپ شىعاردىم. بۇل قاريتادان قانداي تاۋلاردان اسقانىن، قانداي وزەندەردەن وتكەنىن، قانشا جول باسقانىن بىلۋگە ابدەن بولادى. 2011-جىلى ءوزىم تۇركياعا بارعاندا الىپ بارىپ، التاي ەلى تورابىنان جارىق كورسەتتىم. كورگەن كاريالاردىڭ كوزىنە جاس المايتىنى جوق، باتاسىن بەرىپ ارۋاعىمىزدى ءبىر اۋناتتىڭ دەپ العىستارىن جاۋدىرا بەردى.

الماس ءابۋتالىپ ۇلى

2017-جىلى ناۋرىز ايى  اقساي



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ