قالتىنعا ارناۋ

قالتىنعا ارناۋ

اۆتورى: قاسەن بولاتقان ۇلى

ۇلكەن جانە كىشى قالتىن،

جەرى تولعان سارى التىن.

مالعا جايلى، جانعا تىنىش،

سوعادى سامالى سالقىن.

جامبىل دارا، كوك دارا،

تاعى دا بار ءۇش دارا.

ءشوبى شۇيگىن سۋى بال،

حالقىم سۇيگەن كەڭ دالا.

بايكەڭ مولا، جىلى كوز،

ۇلكەندەردەن قالعان ءسوز.

تاريىحقا كۋا بوپ،

وتكەنء ومىر تۇسكەن ءىز.

قارا داۋان، قىزىل ساي،

ءشوبى ءشۇيگىن سۋعا باي.

ءتورت تۇلىك مال وسىرگەن،

ءارۇلت قالحى كوڭىل جاي.

قاراڭعى ساي، كوكتاستاق،

 قالحىم وتكەن كوپ ماقتاپ.

جاسىل كىلەم جامىلعان،

قۇلان كيىك ويناقتاپ.

جالپاق شىرعان، تاس وزەن،

تاسىعان وزەن دولدانا.

رەفورما  جۇرگىزىپ،

ەسىك اشقان پارتيا.

قىزىلجار مەن سورى سۋ،

مەكەندەنگەن قوس اققۋ.

بايلىقتىڭ سامعاپ شىڭىنا،

مەكەنىن جىرلار قوس اققۋ.

ءتوس باستاۋ مەن كۇرىلدەك،

 ەڭبەك ەتكەن قالحىم كوپ.

وزەنىن بۇرىپ قالتىننىڭ،

جاساعان ارىق يىرلەپ.

سىرىكتى ساي مەن  كوكساي،

قوداسى ءجۇر سىيماي.

جۇرگىزىپ بارلاۋ اڭدارعا،

ماماندار باردى ءبىر تالاي.

شاعان قادا، سايا باي،

تاريح وتكەن ءبىر تالاي.

ادىلدىك ءۇشىن كۇرەسىپ.

تەر توككەن قالحىم اياماي.

قۇلجاساي مەن قىزىلتاس،

اڭ بايلىعى تاۋسىلماس.

تۇياعىنا تۇلپاردىڭ،

تىرەۋ بولعان قىزىلتاس.

دەلدىرەكەي، كومىرلىك،

ءجايلىمىڭ بار ومىرلىك.

ازاتتىق ارميا جول سالىپ،

قالتىرعان ماڭگى ەستەلىك.

ۇلكەن شىرعان، اققاپتال،

انگە قوسىپ جىرعا سال.

جايقالىپ وسكەن قىزعالداق،

شىڭىنا شىققان قالىڭ مال.

ءۇش باستاۋدى جىرلايىن،

كوڭىلدىڭ اشىپ سىرلارىن.

ماقتان ەتىپ ومىردە،

انگە قوسىپ شرقايىن.

ورتا باستاۋ، نۇقتىل ساز،

سامالى ەسكەن سالقىن جاز.

نۇرشۋاققا بولەنىپ،

قاتار ۇشقان اققۋ قاز.

تاقىر باستاۋ مەكەنىم،

ساعان اڭسار ەكەنمىن.

ايتقىم كەلەدى جار سالىپ،

مەكەننىڭ ىستىق ەكەنىن.

2001.10.26



پىكىر قالدىرۋ

ءبىرىنشى بولىپ پىكىر قالدىرىڭىز!

avatar
  Subscribe  
ەسكەرتۋ