ارمانعا قۇلاشىن كەڭ سەرمەگەن ارمانتاۋ سايتى

مارالبەك ابدىكارىم ۇلى 

ارشىندى قاداممەن ۇدىرە تارتقان ينتەرنەت داۋىرىندە قازاق تىلىندەگى  توراپ سايتىنىڭ دامۋى ايتا قالسىن ناتيجەلەرگە قول جەتكىزۋدە، جۇڭگو قازاقتارىنىڭ توراپ سايتى جونىنەن الىپ ايتساق شينجياڭ قازاقتارىندا بىلىكتى ازاماتتارمەن ەل اعالارىنىڭ قولداۋىندا سەن-قازاق، بوز بالا، ەلارىس، گۇلتەگىن، سال-سەرى، سۇڭقار، جاس قانات سياقتى كوپتەگەن توراپ سايتتارى وقىرمانداردىڭ ۆەنيۋەرسال جاقتاعى بىلىمدىك ورەسىن بارىنشا سۋسىنداتىپ، كوپتەگەن بىلىمدەر مەن دۇنيە جۇزىندەگى، ەل  ىشىندەگى حابارلاردى جەتكىزىپ بەرىپ، حالقىمىزدىڭ عىلىم-ءبىلىم الۋىنا جول سىلتەپ، نۇسقاۋ كورسەتىپ كەلەدى. سونىڭ ىشىندە، جۇڭگو ىشكى ولكە قازاقتارىن ارناۋلى تانىستىرىپ،جوقتىڭ ورنىن تولتىرىپ، سان الۋان قولدانىلمالى بىلىمدەرمەن حالىقتىڭ القاۋىن الىپ كەلگەن سايت-ـ گانسۋ ولكەسىنىڭ اقساي قازاق اۆتونوميالى اۋدانىندا قۇرىلعان ارمانتاۋ سايتى ەدى. 
ۇستەگى جىلى ءساۋىر ايىندا ءساتى ءتۇسىپ، گانسۋ ولكەسى اقساي اۋدانىندا تۇراتىن ارمانتاۋ سايتىن جوبالاۋشى، ۇلت مادەنيەتىنىڭ ەرىكتىسى، دارىندى ازاماتىمىز مارقابا مالىك ۇلىمەن كەزدەسىپ، ءتىل تابىستىرعان جايىمىز بار ەدى. 
جاقىنعى جىلداردان بەرى، ورتالىق ورتاعا قويعان «ينتەرنەت+» ماڭىزدى باعىتى مەن اقساي اۋدانىنىڭ جالپى حالىق يگىلىك جاراتۋ ناۋقانىنا نەگىزدەلىپ قولعا العان جوبالارىن حالىققا تانىستىرعان دارقان كوڭىلدى ازامات ەڭ اۋەلى ءسوز تيەگىن ءوزىنىڭ وسىدان بۇرىنعى جوسپارى جونىندە قوزعاعان ەدى. 2014ـ جىلى، جۇڭگو قازاقتارىنىڭ كورىلىمدىگى ەڭ جوعارى ەركىن تالقى تورابى “سەن – قازاق ” ۇجىمىنىڭ جاۋاپتىسى، ۇلت جاندى ازاماتىمىز اقىتبەك شەريزات ۇلى اقسايعا ءىس ساپارىمەن كەلىپ جۇرگەن ورايدا، مارقابا مالىك ۇلى ىزدەپ بارىپ امانداسىپ، اڭگىمەدە بولعان جايىن بىلاي ساباقتادى: «اڭگىمە شارپۋىمەن ءوزىمنىڭ اقساي قازاقتارىنا باعىتتامالى توراپ بەتىن اشىپ، وزىنە تيەسەلى قوس تىلدى ينتەرنەت ورتاسىن جاراتىپ، وسى اۋماقتاعى قانداستارىمىزعا ۇلتىمىزدىڭ ءتىل-مادەنيەتى مەن ۇلت وقىتۋىنىڭ ماڭىزىن ۇگىتتەۋ مەن بىرگە كوكىرەگى وياۋ، كوزى اشىق ۇلت جان اشىرلارىنا زامان تالابىنداعى اۋىس- كۇيىس ورتاسىن جاراتۋ ويىمنىڭ بار ەكەندىگىن ايىتتىم. كورەگەن ازامات بىردەن ويىمدى قولداي كەتتى. ءارى جان – جاقتىلى كومەك قولىن سوزاتىندىعىن ءبىلدىرىپ: ”بەيبت ءومىر مەن وزىق مادەنيەت ىزدەپ شىعىسقا كوشكەن حالىقتىڭ  تاعىدا ءبىر ارمان كوشىن باستاماقشى بولعان ويىڭنان اينالدىم. قازاق جاقسى كورگەن بالاسىنا “تاۋداي بول”  دەپ باتاسىن بەرەدى. بۇنىڭ ماعىناسى تەرەڭدە جاتىر، تاۋدا نە جوق، ءبارى بار. دەمەك تاۋدىڭ  باسى بۇلتپەن تىلدەسىپ، اق سالدەسىن وراسا، ونىڭ  قويناۋىندا اق كوبىگىن اسپانعا جامىراتقان اساۋ وزەندەرى، ساي – سالادان وربىگەن قوڭىر اڭدارى، جاتقان قۇلىن كورىنبەيتىن كوگوراي شالعىندارى، بەتەگەيلى بەتكەيلەرى، قويىن- قونشىن تولتىرعان اسىل كەندەرىنىڭ بارلىعى جان -جانۋاردىڭ بار قاجەتىن الار تاۋسىلماس قانباسى“- ەمەسپە، دەپ تولعانا كەلىپ،  ۇلى باستامانىڭ  اتىن ”ارمانتاۋ“  قوي، بارلىعىمىزدىڭ اسىلىمىز جاتقان ارمانداعى تاۋىمىز بولسىن- دەپ كەسەتتى. مەندە رازى بولعان كوڭىلمەن:”جارايدى، قۇرداسىم، سول ارمانتاۋعا جەتۋگە بۇلاۋعا تۇسكەندەي قىزمەت ىستەۋگە دايىنمىن، وسى قىزمەتتىڭ تالابىن ەسكەرىپ، توراپ لاقابىمدى “بۇلاۋ ”  قويايىن“- دەپ قالجىڭداي جاۋاپ قايتارعان بولاتىنمىن. دەمەك ارمانتاۋ سايتىنىڭ اتى وسىلايشا قويىلعان ەدى. 


ارمانتاۋ سايتىنىڭ باستاماسى جونىندە مارقابا مالىك ۇلى كوسىلە سويلەپ، تەرەڭ سىر شەرتتى. ارمانتاۋ سايتى 2014-جىلدىڭ اياق شەنىندە شاڭىراق كوتەرگەننەن بەرى قاراي، باستاپتا “تاجىريبە ءامالياتتان، قازىنا حالىقتان بولادى” دەگەندەي ەڭ العاشقى باستاماسىن «ارمانتاۋ ءۇنحات تەكشەسىن» ورتاقتاستىرۋمەن باستاپ كەتكەن ەكەن. سودان بەرى قاراي سان الۋان قيىنشىلىقتاردى جەڭىپ ،بۇگىنگى تابىستارعا قول جەتكىزگەندىگى وقىرمان حالىققا ايتپاسادا بەلگىلى. 
ارمانتاۋ سايتىنىڭ تەحنيكالىق جۇمىستارىن جۇرگىزۋ جونىندە مارقابا مالىك ۇلى ۇلت ەگەيلەرىنە كوپتەپ راحىمەتىن جاۋدىرا كەلىپ بىلاي دەدى: « وتكەن جىلى جىل باسىندا اقسايدى كورىپ قايتۋعا ۇلت ەگەيلەرى مۇقامەت نۇقتارحان ۇلى، تالاپ ءزاپىر ۇلى، ەرتاي ومىربەك ۇلى قاتارلى ازاماتتار اۋدانىمىزعا ساپارلاي كەلدى. ولار ۇلت بولاشاعىنا ساياتىن” ارمانتاۋ توراپ بەكەتىنىڭ “ تەحىنيكالىق جۇمىستارىن ەشقانداي بوداۋسىز ىستەپ بەرەتىندىگىن ءبىلدىردى. ” ايتۋعا وڭاي، ىستەۋگە قيىن” دەمەكشى ناۋرىز باستالا سالا قولعا العان «ارمانتاۋ» توراپ بەكەتىنىڭ جان – جاقتىلى قىزمەتىنىڭ ىستەلۋى وڭايعا تۇسپەدى. قايتا – قايتا جوبالاپ، وڭدەۋ ارقىلى مۇقامەتحان نۇقتارحان (ماقات)  ۇلىنىڭ باس تەحىنيگىندە نەگىزگى ارناسى قۇرالىپ ىسكە قوسىلا باستادى. حالىق اراسى قاينار – عوي، وسى تىڭ ىزدەنۋدە الماس ءابۋتالىپ ۇلى، اسەمقان مۇقامەتقان قىزى، كۇلىمجان ءشاپيىق قىزى، مارالبەك ابدىكارىم ۇلى، چيڭحاي قازاعىنىڭ قايتالاي ورنالاسقاننان كەيىنگى بىردەن-ءبىر جوعارى مەكتەپ ستۋدەنتى ءساليق تۇردىباي ۇلى قاتارلى ۇلتىمىزدىڭ زامان كوشىنىڭ تورىنەن ورىن الۋدى ارماندايتىن ەسىلدەرىدە بۇل جوباعا قاتىسىپ، ءوز ۇلەستەرىن الىپ، ارىندى تالپىنىستار جاسادى. 2016-جىلدىڭ باسىندا، جاڭاشىل ازاماتتارىمىز ەربول، ايتانداردىڭ كومەگىمەن قازاقشا كومپيۋتور، قولفون نۇسقاسىنىڭ ەرىكتى تالقى جوباسىدا شىعىپ ۇلگىردى. سول جىلى ماۋسىم ايىندا قاجىربەك قابيا ۇلىنىڭ جوبالاۋىمەن حانزۋشا نۇسقاسى ىسكە قوسىلدى». مىنە وسىلايشا ارمانتاۋ سايتى دا ءوز جوبا-جوسپارىمەن جۇرە باستاعان ەكەن. 

ارمانتاۋ سايتىنىڭ دامۋى كوممۋنيستىك پارتيا مەن ەل اعالارىنىڭ كومەگىنەن ايىرىلا  المايتىنىن دا مارقابا مالىك ۇلى پارتيا ساياساتىنىڭ وتە ءتيىمدى ەكەندىگىن تەبىرەنە ساباقتاپ، وسى ەلىم دەپ ەڭىرەگەن ازاماتتارعا ” ارمانتاۋ” قىزمەتتەرى  قوسىنى اتىنان كوكەي تەستى العىسىن دا ءبىلدىرىپ ۇلگىرگەن ەدى. ءيا ، كومەككە مۇحتاج ازاماتقا اقساي اۋداندىق پارتكوم، ۇكىمەتى قولداۋ كورسەتكەن.  اۋىلداعى ەل اعالارى ءانۋار نۇرعازى ۇلى، سامەت قابىل ۇلى، قاليبەك سولتان ۇلى، ماقسۇت مالىك ۇلى، گۇلجاز ۇرىستەم قىزى، سايىپقان مۋسا قىزى، قالديبەك جانىمقان ۇلى، نۇربەك قاپاس ۇلى قاتارلى ەل اعارلارى ماتەريالمەن قامداۋ، اقىل كەڭەس بەرۋ سياقتى جاقتاردا زور قولداپ – قۋاتتاۋلار كورسەتكەن ەكەن. 
ءيا ، «كوپ تۇكىرسە كول بولار»دەگەندەي ارمانتاۋ سايتىنىڭ قازىرگى توراپ بەتى جونىندە دە ءتىل تابىستىردىق. قىسقا عانا ۋاقىت ىشىندە، ارشىندى قاداممان العا تارتقان ارمانتاۋ سايتى قازاق مادەنيەتىنىڭ شىعىستاعى ءبىر وشاعى اقساي قازاق اۆتونوميالى اۋدانىندا قۇرىلعان اقساي، چيڭحاي سەكىلدى رايونداعى قازاقتاردى دۇنيە قازاقتارىنا تانىستىرۋدى ماقسات، ۇلتتىق ءتىل-مادەنيەتتى قولداۋدى نەگىز ەتكەن، حالقىمىزدى ۆەنيۋەرسال بىلىممەن سۋسىنداتاتىن ەگەي سايتتاردىڭ ءبىرى بولىپ ورىن الىپ تا ۇلگىرىپتى. قازىر اقساي ، چيڭحاي قازاقتارىنىڭ تاريحىن، دامۋ بەتالىسىن، شىعارمالارىن، ەگەيلەرىن تانىستىرۋ قاتارلى جاقتارىندا ارناۋلى ايدار اشىلىپ، وسى ايداردا ارناۋلى ماقالالار تانىستىرىلىپ، بۇكىل دۇنيەگە اقساي قازاقتارى مەن چيڭحاي قازاقتارىن تانىستىرسا، قازاق ەمشىلىگى، ادەبيەت الەمى، تۇرمىس، اناءتىل وقىتۋى قاتارلى ۆەنيۋەرسال ايدار ارقىلى حالقىنا ءار قىرىنان ءبىلىم ءنارىن قۇيىپ  كەلەدى.

  ارمانتاۋ سايتىنىڭ ەكى جىلعا جەتپەيتىن قىسقا ۋاقىت ىشىندەگى سۇبەلى تابىسىتارى تۋرالى مارقابا مالىك ۇلى ءسوز تيەگىن كەڭىنەن اعىتقان ەدى. ارمانتاۋ سايتىنىڭ زەرتتەۋدەگى باستى جۇمىسىن حالقىمىزدىڭ تاريحي  دەنە-تاربيە ويىندارىنىڭ ءبىرى بولىپ كەلگەن توعىز قۇمالاق ويىنىنان باستاعان بۇل ۇجىم توعىز قۇمالاق وينىن اقساي، چيڭحاي قازاقتارىنا ۇگىتتەپ، اقساي اۋدانىنداعى جاس ءوسپىرىمدەردى شينجياڭداعى جارىستارعا قاتىناستىرىپ، سۇبەلى تابىستارعا قول جەتكىزسە، قازاقىستان رەسبۋبليكاسىندا وتكىزىلگەن «نۇرسۇلتان نازاربايەۆ» اتىنداعى توعىز قۇمالاق جارىسىنا سايت جاۋاپتىسى مارقابا مالىك ۇلى ۇسىنىسپەن قاتىناسىپ، العىس سيلىعىنا قول جەتكىزگەن ەكەن. سونىمەن قاتار اۋدارما جۇمىسىن يگىلىكتى ىستەر قاتارىندا قولعا الىپ كەلگەن ارمانتاۋ سايىتى بۇكىل مەملەكەتتىك ساياسي كەڭەستىڭ تۇراقتى جوراسى، اقساي اۋدانىنىڭ جوباگەرى، ايگىلى ساياسي قايراتكەر ءانۋار نۇرعازى ۇلىنىڭ «اقساي اڭگىمەلەر » اتتى كىتابىن جەلىلەس تاراۋلار بويىنشا اۋدارىپ توراپ، ءۇنحات ارقىلى تاراتسا، قابىلقاق كۇلمەسقان ۇلى، حاميت بولاتقان ۇلى، كەنجەبەك زارقىم ۇلى، اسەمقان مۇقامەتقان قىزى قاتارلى اقساي قازاقتارىنان شىققان جازۋشىلاردىڭ شىعارمالارىن قايتالاي رەتتەپ توراپ، ءۇنحات بەتتەرىنەن شىعارىپ، حالقىن تاريحي بىلىمدەرمەندە سۋسىنداتىپ، حالىقتىڭ القاۋىنا بولەنىپ كەلىپتى. مىنە وسىنداي سۇبەلى تابىستاردىڭ ارقاسىندا ارمانتاۋ سايتى بۇگىنگى كۇندەرى ەلىمىز ىشىندەگى ۆەنيۋەرسال ەگەي توراپتاردىڭ قاتارىنان ورىن الىپ، قازاقپارات سايتى سەكىلدى دۇنيە قازاقتارىنداعى باستى توراپتاردا تانىستىرىلىپ، قازاقپارات سايتىمەن سەلبەستىك ورناتىپ، ءتىپتى دە بيىكتەردەن كورىنۋگە تالماي قۇلاش سەرمەۋدە. 
ارمانعا قۇلاشىن كەڭ سەرمەگەن ارمانتاۋ سايتى قازاق مادەنيەتىنىڭ شىعىستاعى ءبىر وشاعى اقساي قازاق اۆتونوميالى اۋدانى مەن چيڭحاي قازاقتارىن ەل ءىشى-سىرتىنا ۇگىتتەۋمەن قاتار، ينتەرنەت داۋىرىندەگى جالپى حالىقتىڭ مادەنيەت ، عىلىم-ءبىلىم جاقتارىنداعى رۋحاني سۋسىنىن  ينتەرنەت  ارقىلى قاناعاتتاندىرىپ، جالپى حالقتىڭ القاۋىنا بولەنىپ كەلەدى. 
ءيا، ءبىز ارمانتاۋ سايتىنىڭ حالقىنا ءالى دە ءنارلى جۇمىستاردى سيلايتىنىنا سەنىمىمىز كامىل، ارمانتاۋ سايتىنىڭ ارمانداعان ماقساتىنا جەتىپ، بيىىك بەلەستەردەن كورىنۋىنە تىلەكتەسپىز. 

سۋرەتتە ارمانتا سايتىنىڭ جاۋاپتىسى مارقابا مالىك ۇلى ەل اعالارىنىڭ اقىل كەڭەسىندە.



پىكىر قالدىرۋ

1 评论 在 "ارمانعا قۇلاشىن كەڭ سەرمەگەن ارمانتاۋ سايتى"

avatar
  Subscribe  
最新 最旧 得票最多
ەسكەرتۋ